我去左間 Cafe 打工 , 想溝入面個 Mk 妹女同事: 大佬，返工定吹水啊？

我和Jude又談了好一會，
 
一直到她說是晚市時間，開始要忙碌，這才要離去。
 
我自覺也無大礙了，便也隨著她走。
 
她勸我多休息，我卻始終不肯，
 
今天是我第一個上班日，怎麼可以就好吃懶做？
 


我可不想給了別人一個壞印象啊。
 
於是我當著Jude的助手，替她把飲品都料理好，總算是分擔一下她的工作。
 
「你之前未做過餐廳呢？」Jude突然問我，
 
想是我沖起飲品來手忙腳亂，顯然就是個生手，她才有此一問。
 
「嗯，其實 …… 呢份係我第一份工黎咋 …… 」我有點難為情，
 


跟人說這是自己第一份工作，仿佛就是說自己是個處男一樣，隨時會惹人嘲笑，
 
但想Jude為人極好，我也不怕對她說。
 
「Haha，竟然係咁，第一次就比左我，」她笑說。
 
「嗯，所以你要睇住我啊，不過我平時都有做家務，洗碗我都識既，」我答。
 
「其實呢度做野都唔難啊，」
 


Jude一邊弄著蛋包飯，一邊對我說，「話就話係Café姐，
 
講白D不過就係一間有女僕做侍應既茶記咋嘛，做既野都係差唔多。」
 
「啊？你之前做過茶餐廳？」我問她，
 
想她要不是曾到茶餐廳工作，又怎知道工作是大同小異？
 
「我？Haha，」她笑起來有種特別的吸引力，「我十四歲就無讀書出黎做野啦，
 
不過以前唔定性，份份工都做唔長，結果咪搞到咩工都返過下囉，
 
唔好學我啊，知唔知啊，Haha。」Jude的咬字有點像個「ABC」。
 
「唔係啊，你點都識野多過我啊，」我答道，


 
想起自己的學歷，其實到了實際工作，根本全然派不上用場。
 
「點會呢，我聽阿Mark講你係大學生啊，
 
我有時都會諗下如果自己細個肯比心機讀書，而家唔知會係點呢。」
 
Jude似乎又想起一些不堪的前塵。
 
「讀書係開心啊，但係畢左業呢，其實都無咩好日子咋，
 
好似我咁啊，就失左業一排啦。」我答道。
 
「咁你點解會黎呢度見工既？」她問我。
 


「呢個 …… 」我想起自己是被母親先斬後奏才會到此工作，
 
這可不可以跟Jude直說呢？「唉，講起黎就一疋布咁長啦 …… 」
 
「Haha，咁你鍾意講先同我講啦，唔想講都無所謂啊，」Jude笑說。
 
「其實又唔係咩唔同得人講既 …… 」
 
於是我便把今早發生的事一五一十的跟她說了。
 
 
 
我拙於辭令，把今早整個故事從頭說起，竟也花了數個小時，
 
但Jude還是很耐心的聽過，我只覺她實在是個很好的傾訴對象。


 
「咁你媽咪都好鍚你啊，」Jude笑道，聽她的聲音，好像又有點淒苦。
 
「嗯，我知啊，所以我先聽佢講黎呢度返工。」我答。
 
「不過就好似有D埋沒左你既才華，」接近打烊的時間，
 
客人不再點食物了，Jude閒得就坐在一處陪我聊天。
 
「如果有才華既，去到邊都用得著，都總會被人賞識既，」我答，
 
此時卻換了我在忙，把收拾回來的碗碟清洗著。
 
「你真係咁樣諗架？」Jude好像有點不相信。
 


「嗯，叫自己樂觀D啦唯有，」我說。
 
「咁都好既，你開心就得，Haha，」
 
Jude不會反駁我的話，與她聊起來叫人很安心。
 
那知就在此時，卻傳來另一把女聲。
 
「唔係啊？！呢條淫蟲都有才華？！洗碗既才華啊？你比佢呃左啦阿Jude。」
 
我也不用回過頭看，也知是文靜到來了。