我去左間 Cafe 打工 , 想溝入面個 Mk 妹女同事: 阿媽幫我搵左份工？！

大學中文系畢業，美其名是個大學生，
 
但沒有一技之長，起薪點不過就跟個中六畢業的差不了多少。
 
畢業等於失業，我在家中白耗了半年，
 
我有等待一份理想職業的耐性，但家人好像沒有。
 
「喂，阿仔，我幫你搵左份工啦，你一陣著得靚靚仔仔去返工就得啦。」
 


一日母親突然高高興興的走到我跟前，說了這番話。
 
「幫我搵左份工？！」我大驚，
 
想我又不是那種不會照顧起居，連工作也要父母替自己找的小孩子。
 
「係啊，你每日咁樣係屋企廢落去都唔係辦法嘛。」
 
無可否認我媽媽說話是比較新潮的。
 


「但係 …… 」我總覺得有點甚麼不妥。
 
「唔洗但係啦，人地已經請左你，唔到你唔返啦。」
 
「仲要請左我添？！」
 
「係啊，」她還是若無其事的，「我最近學識用電腦，
 
咪試下將你D學歷Send左過去囉，點知好快就有回音啦，
 


都唔明點解你咁耐都搵唔到工架。」
 
「你咁樣亂用我D資料係犯 …… 」我想說她這麼做是犯法的，
 
但我又想起孔子說過「父為子隱，子為父隱」，雙親犯法也不該怎麼樣，
 
更何況母親如此也是為了我著想，我實在不該怪責她。
 
「咩工黎架 …… ？」這個問題好像比較重要。
 
「正經架啦梗係，阿媽唔通害你咩，」她笑瞇瞇的，好像很滿意自己的作為。
 
「咁即係咩工啊？普通文職 …… ？」
 
「No , No , No , 阿媽梗係想你學返門手藝，第日點都搵到食嘛，」


 
「即係咩啊 …… ？」
 
「飲食業囉，去一路做一路學下煮野食，第日返黎孝敬下老媽子都好。」
 
「啊？」這一驚非同小可，「我都唔識煮野食，點可以 …… 」
 
「唔識咪岩囉，唔識學到識嘛，邊有人一生出黎就乜都識架？Right？」
 
不知何時起，她說話開始沾染了一種洋風，喜歡加句「Right？」作結尾。
 
「但 …… 但係 …… 我讀中文既 …… 好地地又點可以去煮野食 ……
 
仲有啊 …… 孟子話 …… 話 …… 君子遠庖廚 …… 我 …… 我 …… 」
 


「孟你個頭，孟子唔洗食飯既？」她向我遞來一張紙條，「拿，地址係度，
 
我返工先啦，你記住著得靚靚仔仔去啦，比個好印象人地嘛。」
 
她再三叮囑我要「靚靚仔仔」，但我想在廚房工作也用不著「靚靚仔仔」。
 
我接過地址已後，母親就拿起背包出去工作了。
 
「午餐整好係廚房，叮返熱食完就好去返工啦。」
 
臨行前她交帶了這一句。