我出生破碎家庭，同屋企啲女人全部無血緣闗係: 03. 冰糖。妹妹

可能，每件事都需要有一個轉淚點。
 
某一日下晝，個女人如常要出去買餸，我同巧伶兩個亦如常留喺屋企到做功課。
 
「哥哥，我想......食糖。」巧伶拉拉我衫尾，指一指廚房。
 
我知道，巧伶好鐘意食冰糖，時不時都會趁個女人唔喺到，偷偷地走入廚房到，拎粒細嘅嚟食。不過，有次俾個女人知道咗，佢將罐冰糖放咗上廚櫃上邊。
 
「都話依到無哥哥。如果你真喺要食糖，以後叫我阿澤。」我果刻深信，細路女又點會抵受得住糖果嘅誘惑。所以，我故意唔望佢，等佢再叫我阿澤時，我就去幫佢拎。
 




點知，等咗一陣，突然傳嚟巧伶嘅叫聲，我先發現個傻妹，自己走咗入廚房呀。
 
我將支筆掉開，然後衝向廚房，我心裡面好驚，好驚......好驚又會有親人離開我。
 
當我走到廚房門口，我見到巧伶跌咗喺地，膝頭有少少擦傷流血。而且，放咗喺上層果罐冰糖，開始傾斜就快要跌落嚟啦。
 
雖然，我一直不斷咁話，我唔喺你哥哥，不過，原來我一早已經將你當成妹妹啦。
 
我身體向前一撲， 張開雙手將巧伶緊緊抱住，然後我後腦一下劇痛，無數嘅玻璃碎片飛散開來。
 




我唔敢放手，我好驚碎片會傷到巧伶，我感覺到有啲暈，仲有好多暖暖熱熱，又濕濕淋淋嘅嘢流喺我塊面。
 
我只喺聽到巧伶好大聲咁喊。
 
然後，身後傳來一個女人嘅尖叫。之後發生咩事呢？我無哂印像。
 
當我再有番知覺時，原來俾人送咗入醫院。外邊天色好黑，已經喺夜晚啦。
 
我暈咗幾耐呀？
 




「哎呀！」我稍一郁動，後腦即刻一陣刺傷。
 
「阿澤，你唔好郁啦。你啱啱縫咗針，小心爆線。你要咩，我幫你拎。」個女人原來一直留喺醫院到睇住我，佢面色蒼白，雙眼紅腫，好似喊左好耐咁。
 
「無，無嘢。」我估唔到見到佢，顯得不知所惜，想拾埋眼扮瞓，點知，我即刻醒起。「巧伶呢？巧伶有無事？哎呀。」一時轉頭轉得太快，個傷口好痛。
 
個女人企咗起身，好溫柔咁輕輕咁拍拍我手。
 
「無事，無事。大家都無事。好多謝你，阿澤，如果唔喺你保護住巧伶，佢都唔知會傷成點。好多謝你。」個女人竟然真係喊起上黎。而且，仲喊得好激動，不過，佢搏命用隻手掩住，所以只喺見到佢成個人震哂。
 
「嗯，大家都無事，就好啦。」我細聲安慰。
 
「好對唔住......好對唔住......」個女人只喺不停咁飲泣，不停咁道歉。
 
我唔敢再望住佢，我怕，有一日我唔再憎佢嘅話，我會將媽媽忘記。