「突發」打打下丁比人捉左去研究所做實驗品: 再戰
第四十三章
再戰
「喂，咁耐冇見招呼都唔打，咁冇禮貌都有嘅」全身上下都有電光閃過嘅男人首先開口，冇錯，佢就係之前嗰嗰閃電男，點解佢會喺道，最重要嘅係睇黎佢地係黎阻住我地嘅，
我大喝：「讓開，我地冇時間同你地打」，我講完呢句之後佢地連一步都冇退後過，話口未完牛角男即刻衝過黎，都係好似之前咁，我即刻叫大家退後，我講完之後，
牛角男已經喺我面前出現，經過上次一戰，我知道佢隻角可以伸長，但我又唔可以避開，因為後面仲有其他人，我再一次大叫：「呀霜，涷住佢條頸」，
呀霜聽到之後即刻冰住佢條頸，但牛角男郁一郁條頸d冰就爛曬，喺冇辦法之下，我只好用兩隻手捉住佢嗰兩隻隻角，喺我一捉落去嘅時候，牛角男隻角冇伸長，
反而係多左一條條刺插入我隻手道，我上傳黎嘅痛楚，令我手上再一次出現液體，我即刻將液體聚集喺我手上試圖破壞佢隻角，同時，我亦都係拖延緊時間，等其他人出手，
不出我所料呀鴉同呀鋒分別由左右兩邊跳出，呀鴉一刀斬落去佢右肩，而呀鋒就將飛刀插曬落佢心口，正當我以為成功嘅時候，牛角男心口嘅飛刀全部飛番曬出黎，
呀鋒見到咁即刻退後，而不停斬佢嘅呀鴉見到唔對路，都即刻退後，正當我都想放手嘅時候，牛角男一個轉身將我成個人帶左去雷光男前面，我面前嘅雷光男手上聚集左一個電球，
我一腳踢落牛角男個頭道，之後借力跳上前，試圖阻止電光男聚集能量，突然後面傳出呀鋒嘅聲音：「呀天，唔好過去呀！」，我聽到之後試圖離開，但雙腳突然麻痺，
我望一望電光男，發現電光男係道偷笑：「細路，頭先唔係好勇架咩，黎呀」，我兩隻腳都郁唔到，佢手上嘅電球發出陣陣嘅光芒，「一招收你皮啦」，
佢講完之後一絲絲電流傳入我雙腳，我成隻腳除左痺之外仲赤赤痛，但因為聚能嘅原因，我雙腳開始慢慢感覺到一d熱嘅液體，冇錯，呢種感覺就係，比能量攻擊之後會產生嘅液體，
正當我諗住等機會反擊嘅時候，五把飛快嘅飛刀飛向電光男，但好可惜，飛刀都未飛到過黎，已經比牛角男用強而有力嘅臂彎接住，雖然有血流出黎，但牛角男好似冇反應咁，
反而望住其他人，一望完，佢就即刻用番頭先嗰招，好似隻牛咁衝過去，我盡力轉頭過去睇下，見到受左傷嘅呀霜係地板整層冰，阻止或者延遲牛角男嘅行動，好可惜，
呀霜嘅能量仲未回復好，牛角男一腳就將d冰整爆，可以見到牛角男有幾大力，係後面嘅長腿姐姐跑出黎阻止牛角男，而頭先一直係後面嘅呀鴉，
係長腿姐姐牽制住牛角男嘅時候呀鴉一刀斬落牛角男背脊，牛角男成個背脊比呀鴉斬左條血痕，「嗯........」，牛角男用一個好好奇嘅語氣講，講完之後即刻轉身想捉住呀鴉，
但呀鴉嘅速度極快，好輕易就避開左，牛角男笨重嘅手，係避開嘅同時，呀鴉一刀插落佢心口，「呀！！」牛角大叫左一聲，但我發現牛角男把聲已經唔再係人聲，
可以話同動物冇分別，牛角男嬲起上黎一拳打落呀鴉把刀上面，可惜，呀鴉以極快嘅速度將刀抽走，再消失於無形之中，牛角男一拳落空，嬲到爆嘅佢，烏低身，
用頭上嘅角一野頂落長腿姐姐，係就黎頂到佢嘅時候，長腿姐姐眼睛發出一道紅色光，一打射落牛角男身上，牛角男中左之後冇流血咩都冇，只係繼續用角頂向長腿姐姐，
但最奇怪嘅係牛角男嘅動作比頭先更慢，好似用左0.25陪去睇咁，長腿姐姐一腳踏係佢隻角，然後向後跳，同一時間，
呀鴉用一個冇人聽到嘅聲線講：「連閃」，
呀鴉一瞬間消失左係空間，再一次出現嘅時候，一刀斬左落牛角男心口，第二次出現嘅時候連我都差d反應唔切，係背脊再斬一刀，兩刀嘅位置啱啱好連成一個正方形，
牛角男嘅男d血並唔係好快咁流曬出黎，而係好慢咁流出黎，我諗係因為長腿姐姐嘅原因先僧咁，但牛角男並冇就咁就訓低，而係繼續慢慢頂向前方，「呀！！！」
一聲尖叫聲係後方傳出，係詩詩，睇黎呢個狀態嘅詩詩真係完全冇戰鬥能力，係佢身邊嘅軒仔打開佢個盒，放出一大堆飛蟲，係牛角男嘅傷口上不停咬，令原本已經好慢嘅佢，
更加慢，最後仲訓低埋，電光男見到呢個情況，諗住走佬嘅時候，佢諗住將佢手上嘅電球解除嘅時候，佢o撚左，因為佢發現自己手上嘅能量已經消失得無影無蹤，
「做咩呀，好驚呀，頭先唔係好串架咩」全身發曬光嘅我講，我講完呢句之後，雙腳一用力，我直接出現係佢面前，將佢成個人禁左落地下，
然後話：「你唔係以為我真係冇啦啦企係道比你打呀，宜家到你付代價啦，王牌小隊」，我一掌打落佢心口，但佢仲想伸手電我，但係我眼中佢每一個動作都係慢到好似食左屎咁，
我一野拎起佢，佢都未反應得切，佢成個人就仆落地，之後我一腳踩落背脊，再問佢：「呢道邊道係出口，你唔好諗住我玩野呀！」，
驚到仆街嘅佢即刻答我：「我…我唔知呀，我地一比人放出黎就係黎左呢道，只係同我地講唔好比你地走，我真係唔知架，唔好殺我呀」，我再問：「真係冇？」
我今次一手捉住佢d頭髮，佢即刻答我：「呀！！！我知D博士係邊，佢係前面呀」，我聽到之後即刻放開佢「帶我地去」，講完之後，
我過去同大家講一講宜家嘅情況：「我地暫時搵唔到出口，但佢知道D博士係邊，我諗佢應該知出口係邊」我指一指電光男，其他人都點頭示好，係我想叫佢行嘅時候，
穆林突然叫停我：「呀天，我地真係要信佢？」，我就答佢：「穆林，我地冇得揀，唯有見步行步」，我講完之後就行番上前，
係行上前嘅期間長腿姐姐突然間拍一拍我然後話：「詩詩搵你呀」，講完佢就行走，佢想行走嘅時候我就問佢：「小姐，其實你叫咩名呀？」，佢好不屑咁講：「李樂晴」
講完佢就走左，我心諗，又唔係叫你做我條女，問個名啫，都算同伴呀宜家，D態度咁都有嘅，正當我諗緊一陣點嘅時候，我件衫好似之前咁再一次比人拉住，
一把我好熟悉嘅聲音係我身後響起：「你…..你係咪呀天呀？」，好明顯係詩詩，我即刻答佢：「我梗係呀天啦，你終於記得我啦，好彩啫，我幾驚你唔記得我呀，詩詩你放心啦，
我一定會帶你出去架」，詩詩好似反應唔到我講咩咁，企左道諗左陣之後話：「我…..我唔知你係邊個，但我以前係咪識你架？」，咩事呀，之前詩詩明明記得我架，仲同我大戰，
點解宜家詩詩又會唔記得我嘅，之前明明好打得，宜家就完全冇戰鬥能力，我問一問佢：「詩詩呀，你有咩能力架？係咪用D黑色煙呀？」我專登用一個慢D嘅語速去同詩詩講，
因為我怕佢緊張，詩詩聽到之後面都好曬，我就問佢：「咩事呀？詩詩，冇事呀嘛」，面都紅曬嘅詩詩話：「我…淨係識幫人治療…..我係咪好冇用呀？」，
見到詩詩咁嘅樣我即刻安慰佢：「梗係唔係啦詩詩，點會冇用呢，我宜家全身都冇曬力呀，詩詩你可唔可以幫下我呀？」，詩詩聽到之後答都冇答我就直接捉住我隻手，
詩詩隻手發出一陣陣綠光，我成個身都比D綠色光圍住，之後我感覺到全身上上下下都好暖，我望一望詩詩塊面，宜家佢塊面仲紅過生日食嗰d紅雞蛋呀，
詩詩見到我望佢之後即刻放手：「治療完啦…..」，詩詩放手之後，我全身上上下下嘅綠色光都消失左，一直以黎戰鬥咁耐都未試過真係好好休息，比詩詩咁樣搞一搞，
真係成個人都精神曬，我即刻同詩詩講：「詩詩，唔該曬你呀，我宜家好好多啦，仲話自己冇用，傻妹黎嘅」，詩詩聽到我講野之後就跑番過去李樂晴身邊，
可能佢仲係未完全信任我掛，都啱啱嘅，話曬人地同佢相處左咁耐，而佢都唔係記唔記得我，
不過唔緊要，
出到去我一定會令你記番起我。
「點呀，細路媾完女好行啦，時間無多呀」