「突發」打打下丁比人捉左去研究所做實驗品: 王牌隊伍

我地見到呀敏手持住一粒寶石，寶石呈淺藍色，旁邊有唔同顏色既寶石，佢一郁，寶石上既閃光照落我隻眼度，實在太靚啦，「呢粒就係北極之星啦，係西共係地底換，呀唔係，係掘番嚟既，寶石當中擁有不為人知既秘密，你地有一個鐘時間去拎呢粒寶石」

呀敏帶住一隻手套，唔比指紋染污隻完美無缺既寶石，呀鴉一直都唔出聲，情況就好似一個細路拎成績表比屋企人睇既時候一樣，個樣好沉重，彷似有千言萬語想 講，但係又夾硬吞番落去咁，我忍唔住咁問「呀鴉，到底咩事呀？」，只見呀鴉深呼吸望住前面果五個怪物，慢慢咁講

「有冇聽過天使計劃？」，呀鋒一聽到，即刻撐大隻眼「咩話！西共真係執行左天使計劃？」，只見呀鴉唔出聲，默默點頭，係呢個時候，呀鋒，佘軒兩個做左個一 樣既動作，就係抱頭無奈，穆林仲有方華就企係原地面如死灰，全場好似只係得我一個唔知咩事，我不知好歹走去細細聲問穆林「咩係天使計劃」

穆林盡量保持冷靜開始調節呼吸，即使佢咁做，但係不安仲有恐懼既眼神經已出賣左佢，佢望住我，我係佢瞳孔望到既，就只有絕望，同岩岩房入面完全唔同「呀 天，我只可以話你聽我地今日唔好彩，佢地係西共天使計劃既成功實驗品，天使計劃係指西共用極高薪資吸引天生異稟既人，再用唔人道既方法改造佢地，令到佢地 變成一個一個殺人機械，唔係，佢地比我地任何一個都仲要強，西共之打得蠃冬天戰爭，滄城之戰，有人話都係因為佢地既功勞，聽講，佢地一個隊伍可以抵抗一個 旅團既進攻。」

我想問下呢咩野係旅團，「旅團係一個軍隊既單位，排序以軍團最大，人數可以過百萬，之後就師，旅，團，連，營，排，兵，一個旅團大約有一千至一萬人，西共幫堆怪物改左個名，叫做王牌小隊」，我聽完呆左一呆，講，「咁我地一定唔洗番出去啦」
「 咁唔一定既，我用讀心術得知，最強既隊員出去左執行唔知啲咩任務，所以佢地應該就係唔係最強既隊員」，唉，真係唔知好過知，我同佢地講，「咁我地可以唔同 佢地正面打，我地要一齊行」，「唯有係咁」眾人同意，係時鐘開始倒數一個鐘時，我地開始跑入洞穴，臨走時完全睇唔到佢地有咩動靜，個個企左係度，成個畫面 詭異之極





我地一直跑，聽呀敏講，寶石埋左係間房度，間房個名係Red,我地經過一堆石頭，唔知係火山岩定咩，粒粒石都奇型怪狀，突然係方華左邊，有塊石頭充滿光彩，之後澎漲，最後迅速爆炸，沙石到處飛，成個過程好快，五秒都冇，到底咩事？

但係當務之急，要睇下佢有冇受傷，佢一望向我，只見佢面上有一撻撻裂痕，我就知道茂仔幫佢擋左一劫，「辛苦你啦茂仔」，「吱吱吱吱吱」有把好討厭既笑聲出 現，應該唔會係茂仔，我依家學識左控制我既能力，所以我增強聽力，聽到笑聲係係牆後面，突然牆上所有石頭都一樣反應，完全變有光彩，之後澎漲

不過今次過程較慢，眾人意識到咩事，如果依家走太慢，正當我打定輸數既時候，方華大叫左句「吉！！」之後佢衣袋中既呀吉出左嚟即刻變大幾十倍，呀華頭上既 茂仔都配合吉仔，溶入吉仔度形成雙重保護，余軒都幫手，係杉袋拎左果盒出嚟，一打開，成堆蟲做左個防御網

我地全部人就係佢地後面，希望可以撐過爆炸，「澎！！！！！」，一聲巨響過後，我地都比沙塵搞到咳嗽不斷，牆上既石頭完全唔見曬，只係剩番一個大洞，係洞 庭度反射五個黑形，沙塵漸散， 茂仔，吉仔都因為太大衝擊而纷紛受傷，我地經已清楚我地所面對緊既，係一班真真正正既怪物

佢地望住我地，我地不知所惜，企左係地下郁唔到，成個身好重，但係意識好清楚，好似比人落左魔咒咁，唔係，應該真係比人落左魔咒，只見佢地一步一步靠近我地，係佢地眼中，我地只係等人屠殺既獵物，只見壓逼感愈來愈強，最後我連眼都打唔開