「突發」打打下丁比人捉左去研究所做實驗品: 休息

「屌!你個死肥仔，叫我地打，打打下又出黎叫我地停手，不如你就咁搵六個最勁嘅出黎咪得囉，多舊魚」

係跟住黑超人嘅時間呀鋒不停咁屌柒呀Ben，我地每一個人都唔係幾想佢出聲，

因為冇人知黑超人會唔會報串，「係呢，做咩會多左個人嘅，佢唔係第三組架咩?」

我見到個抱住隻貓嘅男仔，不禁問一問咩事，「佢投左降，我冇理由再殺佢」鴉咁樣答我，

我聽完鴉嘅回覆後，我真係覺得佢冇想像中咁冷血，係頭先嗰個訓練入面佢見到我有事都會黎幫我，





希望呀Ben唔會呃我地，我地打贏比賽就可以出番去，唔理做咩呀，總知出左去有番自由係最緊要，

但比賽係做咩先得架，

「話明比賽一定係有競爭啦，佢講得我地六個都要幫佢，就證明左應該係我地六個去同其他人競賽」

穆林聽到我嘅心底話後答我，我係道諗，點解呢道只係得男性冇女性嘅，係咪嗰d咩身體結構問題呀，

黑超人一如既往咁冇啦啦停低，咁我睇應該係到左啦，果然，





「入升降機」黑超人給予我地下一步嘅指示，我地一個一個咁跟住入，入曬去之後黑超人㩒2樓制，

升降機馬上升上去。「睇黎冇其他人等lift wo」我為左氣氛唔好咁凝重，我講左笑話，

接下來嘅反應我諗大家都知啦，「哈哈，梗係冇人等啦，呢道冇死嘅得番我地，你想邊個黎等呀，

有人你先驚呀！」正當我為我嘅單機做好準備嘅時候，竟然有人答我，我睇一睇身邊，

哦，原來係呀鴉冇殺到嘅男仔，我問「你叫咩名呀」，「我就叫方華，我隻貓就叫呀吉，阿吉叫人啦」





「喵，喵」阿吉馬上叫我，我話「你隻貓都幾聽話wo」，

方華回答「當然啦，我識同佢溝通，我同佢係好朋友」。

升降機突然停下，黑超人再次開口話「到左啦，跟住我行」

我地五個人行左兩分鐘左右黑超人就停低腳步，示意到左目的地，係我地面前嘅係一間房，

呀鋒一馬當先就行左入去，我地當然唔會落後，

就咁樣我地就入左去一間非常大嘅房入面，房入面有幾椅子，其中一張係有人坐緊嘅，

而嗰嗰人就係係之前訓練同我打嗰嗰余軒，「嘩，咁人齊嘅，方華你都係道呀，大哥哥都係道wo，

上次咁都整你唔死，幾勁呀，係wo，呀Ben話一陣有野同我地講叫我地坐係道等佢wo，





「呀Ben又係佢呀，又想講乜鳩廢話呀」一直對呀Ben不滿嘅呀鋒終於出聲，

「等等啦，可能係講關於比賽嘅野呢，唔好咁心急」穆林好冷靜咁講，我係道諗，

我係比賽就一定唔可以心軟，如果唔係大家都會比我連累，所以我下定決心，

唔理係咩對手我都唔可以留手，正當我諗緊野嘅時候。

「大家都到齊啦，咁好啦，宜家我就同你地講咩係比賽！」