「突發」打打下丁比人捉左去研究所做實驗品: 風扇(前)

「訓練開始」，一如既往都係由黑超人黎講呢d野，我都唔期望有咩新意。「宜家開始分組」，我聽到呢句後，我心裏如釋重擔，因為如果要我一個人去同咁多位戰鬥的話，問心呀，如

果嗰次MK仔唔係犯規，我都冇信心打贏佢，所以宜家有左分組，我就冇咁擔心，希望同穆林一組啦，呢道我最信得過佢。「希望啦」穆林聽到我心底話後，對我作出回應，黑超人連紙

都唔拎出黎呀，就開始講出分組名單「十六人，分四組，四人一組，第一組:盛智魔，佛地文，張家統，劉為健

第二組:文特文，默大師，家明，習健明」聽住呢d人名，我諗起每年新學期開始分班，老師叫每人個人嘅名，而小學我嗰班有插班生，但唔知做咩讀左一年就冇讀，唔知佢點呢?屌，宜

家唔係諗呢D野嘅時候，聽到之前D名我大概知道仲有咩人未有組，根據我嘅認識，陳鋒，鴉，穆林都係未有組嘅，而其他人我都唔知佢地係邊個，有個就同隻貓玩緊，一個就細細粒





咁，但比我一種唔好嘅感覺，再黎個中年呀叔，佢身材健碩，最後一個係一個少年拎住技狼牙棒，樣貌同一般飛仔冇咩分別。睇到呢到，我開始有D緊張，因為有好隊友，勝算一定大

增，係我觀察期間，黑超人讀出第三組「方華，余軒，張偉業，傑少」

到左呢道我終於知道我嘅隊友都係勁人，咁我應該可以順利生存。

「由宜家開始-風扇，生存上限:八人(兩組)，你地有五分鐘思考」各組組員都開始商討對策，當然我都唔會在係道啦，我都同佢地樣係道商討對策，首先穆林講左句「風扇，一定會轉，

再加上生存上限係八人，所以話我地一定要比其他組快先可以生存，風扇應該有風扇葉，葉之間有空隙，我諗我地就係要衝過去，當然我估空隙只有兩個，咁唔知大家點諗呢?」首先發





言嘅係呀鋒「我諗我地諗到嘅野，其組都應該諗到，而佢地對我地嘅能力應該唔係太清楚，唯一知道嘅就係呀天嘅身體質素異於常人，因為之前我拎起你嘅事，我相信大家都見到，咁

我諗呀天你會係敵人嘅頭號目標之一，我對鴉嘅實力冇任何疑問，我想大家都講出自己嘅能力，如果唔係我地定唔到對策。」一路保持沉默嘅鴉終於出聲「閃現，十米」其後穆林都講

左自己嘅異能「讀心，但我要專心先可以做到，對方要係我十米之內，所以我諗我需要一個人黎保護我」呀鋒都好快咁講出自己嘅異能「念力，用飛刀，保護你就交比我啦」穆林諗左

一陣，「今次嘅訓練係冇限時，我地可以守住一點，如果敵人黎的話我地可以有優勢，咁防禦敵人嘅工作就交比鴉同霸天，我同呀鋒就做好防守同支援嘅角色」我知大家好想問我，點

解我一直都唔出聲，唔係我唔想出，係我根本唔知講咩好，但講到咁後我都知道我可以問一樣野，「如果到時情況同我地諗嘅唔同呢」雖然我唔知應該問，但我諗呢個都係一個有可能





會發生嘅野，所以都係有個準備比較好。我問完之後大家都靜曬，「仲有一分鐘」，鴉首先打破悶局，「如果唔同咪將其他人殺曬咪得囉，唔好講咁多廢，細路唔好講咁多，做好自己

就得，呢道係戰場，唔係遊戲冇第次機會，點樣唔死先係你要諗嘅野」，「係囉，到時再諗啦」穆林都認同佢嘅講法，呀鋒只係點一點頭，頭先聽到鴉嘅說話我記起自己唔再係一個學

生，我唔再係一日打一次丁嘅人，唔再有軟骨症，我宜家係一個戰士，為生存而戰，就係咁簡單。

「時間夠，訓練開始，全部人跟我過黎。」我地一群人跟住黑超人嘅步伐，我地跟住佢落左唔知幾多層樓梯，黑超人終於停低佢嘅步伐，都係冇表情，冇任何語氣，

「到左，訓練場所01 風扇」。