「突發」打打下丁比人捉左去研究所做實驗品: 穆林

我跟住黑超男往前走，一直走，我因為腹部有傷口，所以一路行我一路要就住個傷口，就係因為咁，令到我依然我行路既動作應該同隻兔仔差唔多，我一路行一路諗唔知mk仔死左未

我只係知道佢叫1213，如果有機會我一定會問佢叫咩嘢名，諗到呢到，黑超男突然停低佢機械人般似既腳步，取而代之既係佢畢直咁站左係度

同一個等待長官指揮既軍人冇分别，我真係好好奇佢地到底點先可以到做冇表情，只服從上頭命令，到底佢地一個月有幾多人工呢，有冇32蚊一個鐘呢？一路諗野一路行既我唔記得放

慢腳步，一野就撞左落個高我一個頭既黑超男度

好硬，硬到好似鋼板咁，如果唔係我依家冇左脆骨症仲強壯左，比着係之前既我，我諗我經已粉身碎骨左，就算拎AA超能膠都應該癡唔番我，我一野比佢撞正一 正，一失平衡就跌左落





地，我即使反應好左，快左，都唔能夠作出咁快反應，只好監生坐左落地下，坐落地下屎忽痛之如，仲chok到我個傷口，直程雙重打擊

我訓左係地下一隻手抱住果肚，一雙手冚住屎忽，狼狽不堪，唔講啲人可能仲以為我即將比人雞姦，所以作出最後既防御

「玩完未！」黑超男用好無情既語氣講，好似講多一隻字會死咁既樣，佢一直都唔望後面，即使佢知道我跌左落地，唔扶我都算，仲要望都唔望下，到底咩構造架？

「到，入去」，果然係黑超男，終有一日我會一野除左你副死人黑超，你睇住嚟，我望住眼前既房間，黑色既房門，門口有個牌寫住05，我握住冰冷既門鎖，向下一扭，門隨住我愈大

力，打得愈開，之後我一望到入面，好靜，靜到我雞皮都起埋





再加上門上角後面開始生鏽既關係，所以我慢慢開門會有好多（吱）聲，一打開門就引來好多目光，比眾多個唔尋常既人用唔尋常既目光望住，唔洗講，我即刻扭轉頭想問黑超男有冇

第二間房，「喂，黑超佬，你有冇」

仆街，有冇走得咁快呀，趕住收工咩，愛回家仲末做，我只好深呼吸，向前行左步，硬著頭皮一步當兩步咁快步行入去，每一步我隻腳就沉一次，全身係度震，精神進入左緊繃狀態，

我一直行經過唔少人，佢地隻眼一直冇離開過我，我比人一直拎住好唔友善既眼光望住，試問我點可以自然呢

我終於行完呢條比死更難受既路，到左一個角落坐左係度，佢地突然望第二度，係同時望向第二度，佢地合拍既程度直逼北方某個國家既團體運動，天央研究所，一個詭異至極既地





方，如果呢個係一場夢

唔該快少少完啦，我想番屋企呀，我想食雪糕呀！！唔好意思離左少少題，話說我坐左係度，成班人終於唔望住我，佢地應該都比人搞過嚟，唔知係唔係同我一樣呢，不過坐得係度，

應該都唔慌係正常，我都感覺到我開始癡癡地線，成日自言自語，唔通呢度有觀眾咩，講埋出嚟做咩姐

「你好」突然一把聲，係係我身邊傳出，我一望，係一個白髮但係個樣係正常青少年既人，唔係，佢唔係青少年，佢係美少年，如果唔係佢白髮，我諗佢一定溝女溝到2046都仲得，不


過白髮都有佢既特色，白髮令佢多左一隻好抑鬱，唔難睇得出佢隻眼流露住哀傷既心情

「我叫穆林，你呢」佢突然講一講，我反應唔到，因為太兩極化啦呢度啲人，我係度諗佢係唔係癡線既時候，佢講左句「唔係人人係呢度都係癡線既，好多人都係逼不得已既」，我更

加比唔到反應，佢好似我個心入面條蟲咁，「咁又冇咁誇張！」





佢又再一次完全了解我諗咩，唔通佢，「哦，我明啦，霸天，好勁喎，睇唔出你咁打得，1213出名打得，你都打得蠃，真係英雄出少年，不過你唔好睇佢咁 mk，佢係個好人嚟架」

「唔好意思呀，有你講冇我講添，我岩岩都講左我叫穆林啦，咁我既能力就係可以解讀人發放出嚟既腦電波，係平常人眼中，姐係讀心術， 而我個頭，就係副作用」，「即使你都知道

左啦，我叫袁霸天,我諗我所謂既能力係反應快，比平常人大力掛」

「哈，冇咁簡單既，入得呢間房，都係呀ben既得手幫手，幫佢係大賽打低阿力奇，我諗你大個一定係好出色既人」佢望住遠方好認真咁講，搞到我不知幾唔好意 思，「係呢，岩岩佢

地點解」我講都未講完，佢就一野講埋嚟「冇，舉手之勞姐，我用腦電波話佢地知你冇惡意，叫佢地唔洗理你姐」，「多謝你，不過我岩岩聽到 你話大賽，咩係大賽」，「你遲下就會

明啦，係咁先啦，你有肚傷在身，好好休息啦」之後佢就起身行入人群坐低，唔出聲，全場回復一片死寂，我諗穆林係我第一 個係呢度既朋友，我諗諗下就訓左，唔知聽日等住我既係

死亡，定一線生機呢？