「突發」打打下丁比人捉左去研究所做實驗品: 棋子

MK仔一個瞬步就走到我面前，之後佢一個鞭鎚打係我頭上，只係見到佢腳步奇快，出拳的速度快得詭異

，我見到佢背上傷痕累累，這經已證明左佢係呢道留左唔少時間，我硬食了他這一拳，感到天旋地轉，

企都企唔穩呀，我想抓住東西作為支撐點，但係mk仔持續無情嘅進攻，我睇唔透呢道到底係何方聖地，

可以令到社會嘅道德淪亡，只淪為無情的戰鬥機器，話口未完，MK仔已經向我揮出幾拳，

我自問毫無戰鬥嘅經驗，只係喺電視上睇過葉問，而我係電影中都冇學到日字衝拳，連燒帶打嗰D野，





而我要點樣有霸氣地講出我要打十個，講真呀，我由細到大就受脆骨症所影響，

家人都唔比我出去同其他的細路仔玩，更唔好話打交呀，正確黎講，是我媽媽不讓我去玩，

因為我老豆由我小二開始呀就只會嫖，賭，吹，完全唔問屋企嘅野，我已經麻木左。Mk仔持續著猛攻，

我已經唔係企係原地，等佢打我，我只係比幾十個問題煩擾緊，宜家仲要我殺一個完全唔識嘅人，

即使佢係一個mk，都唔洗死下話，所以我選擇避戰，「喂，1989，你快D郁手打佢，你得番三分鐘，





如果你仲唔殺左佢，我就殺左你」黑超男說道，我個心沉左一沉，他一句講中左我所憂患嘅事，

我知道再咁落去唔係辨法，正所謂避得一時，避不得一世，但我真係接受唔到要我落手，

「喂，黑超佬，你叫我打佢都冇問題，點解要殺佢呀！我真係做唔到呀！」我一路行一路大叫，

好可惜我做唔到好似電影咁，男主角一路打低敵人一路講笑，甚至做一d滑稽嘅表情，

「你以為你係邊個呀！」黑超男後面有把聲音，「你係呢度只不過係一隻棋子炸，唔好做聖人啦，





係呢度我先係神，「你係呢度只不過係一隻棋子炸，唔好做聖人啦，係呢度我先係神，你要記住，

係呢度，強者先可以生存，呢度係天央研究所。」話可未完呀，Mk仔側身踢腿，

睇得出佢嘅速度比頭先慢左，咁好明顯係體力不支啦，我聽到嗰條有嘅說話，再加上時間的限制，

令我體內我腎上腺素急升，係我眼中嘅野變得很慢，我見到mk仔隻腳在空中向我襲來，

我蹲低下去一腳將佢掃低，掃低佢嘅同時，我聽到了一聲清脆的（嚓），我就知道我嘅脆骨症發作左，

不過今次我冇感到刺骨嘅痛楚，只係見到mk仔一個倒地抱腳，面部表情扭曲，「我屌你老母呀，

咁撚狗玩掃腳！」Mk仔大叫，此刻嘅我正諗緊，點解我嘅脆骨症會不翼而飛，換黎嘅是係大力過之前，

係玻璃室之面，呀ben大笑:「哈哈哈，估唔到條友咁撚快可以同啲藥結合，睇嚟佢都幾抽得啵，





連1213都比佢打到訓低」，另一方面，Mk仔眼中充滿怒火，眼神充滿殺氣，但係表情驚怒參半，

驚嘅係佢冇諗過一個新人可以將佢嘅小腿打斷，怒嘅係竟然會比一個新人掃斷腿，你叫佢顏面何存先，

Mk仔站穩一穩陣腳，「你老味，唔好以為掃幾下就好抽先得架，呀叔我打交打大嘅！」mk好串咁講，

我擺出雙手，握拳，作出迎戰嘅樣，呢樣我都係從電影中學回番黎，我知道要走行去，就只好變得更強，

要變得更強，就只好打低面前呢個人。