《我跟她的完美遺憾》: ５

「嗞⋯⋯嗞⋯⋯」褲袋傳出一陣又一陣既震動，由於怕整醒佢，所以我亦慢慢咁起身，離開左Ｓｔａｒｂｕｃｋｓ先睇一睇個電話，
原來系老媽子，叫我今晚食自己，ＯＴ Ａｇａｉｎ～
一個咁空閒既晏就，我唯有返屋企拎粒波落街打下。

系烈日當空既日子底下，靠打波去出一身汁的確系個吾錯既選擇，真正既低消費高享受。
由於哥擁有１８０既身高，絕對系明顯地擁有一定既優勢。
而對於Ａ０既我，自信心同成功應系點尼？
冇錯！系籃球，我既成功感同自信系由籃球一球一球咁灌入尼。
所以籃球絕對可以稱得上系我背後既女人。





由於今日系１／９，好多人都會趁早放，就會著住校服尼霸街埸，由於我身高有一定上既優勢，
好多街隊見到我入場都會問我ｊｏｉｎ吾ｊｏｉｎ，Ａ０既我當場覺得自己真系變左個洪卓立。

打到去６點半左右，大家都開始散水，食飯既食飯，拍拖既拍拖。
得返我一個，打左幾個鐘都夠拉。系時侯去食自己。
我慣左每次打完波都巡例去７-１１買支可樂隊下，補充所流失既水份。
今次就順便嗌個杯麵套餐＄１３，一個合味道加一杯可樂（任沖），抵到爛～
當我行去比錢既時侯，見到今日個女仔 — 佩妤，系我前面增值梗八達通。
佢目無表情，呆呆濟濟，好似有野煩梗咁。增完值亦慢慢咁行左出去，心神彷彿，連跌左八達通都吾知。
但當我比完錢出去追佩妤既時侯，佢早已行得老遠，消失得無影無蹝，不留一絲痕跡。




而我手上，就只剩底佢唯一既八達通。

我唯有入返７仔享受下我一個人既浪漫，杯麵與可樂。
而張八達通，其實要比返佢都吾難，事關我已經有佢個名，校名同班名，
但....系喎，冇左張八達通，咁佢聽日點返學呢？
我一定要系佢返學前系地鐵站比返佢先得！

食完望一望手機，原來都已經７點幾，都系時侯返屋企沖洗下，
汁下書包，準備聽日靚靚仔仔咁比返張八達通人。