《我跟她的完美遺憾》: ３

「阿！sorry阿...」從佢好難為情既面容睇得出，佢真系好尴尬，隨即彈返去對面。
由於佢條邊仲未扎好既關係，加上岩岩咁大力既一chok，令佢原本即將扎好既頭髮散開哂。

而地鐵行駛既速度為８０KM/H，加上隧道效應，讓任何移動既物件都會帶動周圍既空氣流動，
地鐵行駛時候會將空氣強行帶走，空氣只被迫往前推，風亦自然來了，
同時亦滲透著佢把秀髮既香氣，淡淡既潘婷洗髮水加上佢身上既花香沖涼液，
無形地散發出佢性感既一面，我亦不禁大大力咁索左一下。

被視覺，嗅覺，兩種感觀同時刺激，我不知不覺對哩個女仔產生左一股隱約既向心力。
再細心望一望佢套校服，原來系間女校 — 香香中學。




咦，咪住！我望一望錶，依加系８點０２分，如果我冇記錯既話，香香中學應該系８點０５分打鐘，佢依加仲系到，豈不是就尼遲到？
見到佢好狼狽咁扎完條邊，之後好心急咁每秒對一對錶，緊張既情緒系佢面上浮現左出尼，
但以旁觀者既身份去望，都真系幾可愛。

由於時間既關系，架車已經去到柴灣。
當我諗住再望個女仔既時侯，佢已經飛奔左去最近扶手電梯既個道閘門，背影亦愈尼愈細，愈尼愈遠。

吾知佢趕吾趕得切呢？現在時間為８點０３分。

而我，由於８點１５分先打鐘，所以亦施施然地行返學。




行行下突然感覺到有人大大咁拍我左一下，
「喂，咁早既您今日？平時您都系打鐘前一分鐘先返到學校嫁喎，今日搞乜轉死性阿卓立bb。」
一拎過去，原來系阿熙。佢系同我同班左六年既好巴打，最了解我，亦系最鐘意煩尻我戈個人。
「今日開學９月１喎，好既開始系成功既一半，您識乜阿！」
「姐系開學冇遲到，DSE拎硬全2拉下話，系咪咁講先？！」
身邊有個咁弱習既人，我作為佢既同學兼老死，對佢既將來表示十分擔心。

今日９月１，返到學校巡例要企下操場聽下校長廢ＵＰ，
講尼講去咪又系新一年既開始，我地要秉承我校既校訓「德智體群美」，
請哂家教會主席，校監尼剪下釆，又講下新老師咁囉。




做左幾場大龍凰，終於肯放我地返上去既時侯，
阿校長又突然開咪宣報：
「吾好意思阿咁多位同學，吾記得提提您地，下星期一香香中學book左我地學校隔離既運動場，記得早啲出門拉戈日，因為實塞車嫁，宣報完畢。」

香香中學？我個腦閃左一閃，咪姐系今朝個女仔戈間？
「喂！卓立bb，正阿，香香中學好多正女女，我地戈日早啲返，指導下佢地前往運動場既路線囉，好冇？千載難逢既好機會，您吾系吾去馬下話。」從哩句說話得悉，阿熙既狼厹癌開始發作起來，仲要系未期個隻。
「妖您，咪低Ｂ拉， 人地讀左咁多年，會吾知個運動場點去咩？」
佢諗諗下，笑左笑咁望住我「又好似系喎hehe 」