《再等多少個十年，我也要和你一起》: 第九章 計
清晨的微風微微拍打我的臉兒，窗外太陽仍然高掛。
唯一不同的是這裏是有樂符的世界，照耀着我的陽光格外溫暖。
「叮~」Whatsapp響起了提示聲。
群組:BLUE DRAMA 2014-2015
社長︰[記住今日兩點火車站M記等啊！遲到請食飯。]
許淑敏︰[記得帶埋劇本，我地冇預多。」
黃零東︰[就到啦你地到未？]
就到？！
我看着手機上的時鐘…
1點54分…
今次仆街了…我唔想請食飯啊！呢個年代嘅我只係一個死窮撚…
********************************************************
「屌你啦…成2點3先到，請食飯啊。」零仔奸笑道。
「我…我已…已經好快…好快㗎啦。」我從家中不停地跑到M記，跑得上氣不接下氣。
「係囉，我諗任杰庭遲到一定有原因嘅，你地快啲食完快D練戲仲好啦。」淑敏幫口。
就這樣，我們吃過M記午餐後，到了那一個身形達到坦克車級數的女仔家中排劇。
媽的！我這段時間根本沒有背過什麼劇本，怎樣對戲？
結果我決定拿着劇本排，出奇地沒有人有責怪我的念頭，因為他們也還未背好，嘿嘿。
「家惠…我知我做過嘅嘢係錯，錯得好離譜。」我看着劇本對着淑敏說：「但係無論我點做…都唔可以挽救我地嘅愛情？」
「當兩個人嘅感情有第三者嘅介入，我對呢段感情又冇信心，再見啦，梓風。」
淑敏把臉靠跟近我，令我有一種不敢呼吸的感覺。
「啜」
……
她的嘴唇吻了在我的臉上。
我的心跳不斷加快，可是這次的心跳和吻樂符那次不一樣。
我這次的心跳加快是害怕樂符知道了這一幕…
全部人先是呆滯了，接下來便瘋狂「WOW~！！」、「地下情啊？我地唔知嘅。」「WAAAAAAAAAAA！我女神鍚條仆街啊！」
只有社長杜嘉奇一個平靜地看着我們…
「大家唔好誤會啊，我咁做只係為咗入戲D。」淑敏向大家解釋。
「冇錯…係啊，我已經有女朋友㗎啦！」我生怕在場的人向樂符打我小報告，特別是那個稱樂符「小符」的杜嘉奇。
「屌你老母一腳踏二船！」、「早知我都做男主角啦！」、「垃圾任杰庭，夠膽同我一打一，我MAIN中路！」
我的解釋似乎令事情弄得更糟…
最後今天的話劇訓練在歡樂的吵鬧聲之中結束…
****************************************************
晚上八時多，在starbucks咖啡店裏，我坐在淑敏旁邊，手拖着她的手︰「你哋放心啦，我一定會好好照顧淑敏㗎！」
為什麼會出現這樣的情況？事情要由昨天開始說起。
「呀庭啊…雖然我地唔係好熟，但係我有啲嘢想你幫幫我。」話劇訓練後只有淑敏和我回家同路。
「吓？幫咩先…」
「我想…我想你做我男朋友！」
「唔得！我已經有女朋友，佢係你個好朋友，張樂符！」想不到淑敏在中四時已經喜歡上我…
「我唔係想你真係做我男朋友啊…」淑敏一邊說眼睛一邊變紅︰「我只係…我只係想你扮我男朋友，一日咁多…」說到這裏，淑敏的淚水從眼眶中流了出來。
我任杰庭天不怕地不怕，最怕就是女人的淚水。
不論那人是老媽是樂符還是淑敏，我也受不了…
「你唔好喊住…」我根本不太會哄女孩︰「你做咩要我扮你男朋友先。」
淑敏沒有回答我的問題，繼續飲泣︰「你唔幫我冇人幫我㗎啦，算啦，我都係死咗佢算啦…」淑敏突然坐在地上破口大哭…
街上的行人開始留意我們這邊，看着我們低聲議論…
糟糕，再這樣下去他們一定已經我是賤港男，我不想第二天出現在YOUTUBE的首頁啊！
「好啦好啦，我幫你啦…你起身先啦，好多人望住我哋啊。」我俯下身子向淑敏說。
我拉了淑敏起來，她用手擦去臉上的淚痕，對着我露出一個勝利的神情…
「你點解要我扮你男朋友先？」
「因為我呀爸搵咗個生意夥伴個仔同我相睇，想撮合我哋啊。」
「咁咪幾好，相睇得成就幸福囉，相睇唔成當識個朋友都好啊，可能有意外收獲呢。」我想起當日我相睇重遇淑敏和得到日記的事。
「你唔明㗎啦，我呀爸又細到大話一就一話二就二，我唔敢反抗佢，唯有同佢講我已經有男朋友。跟住佢仲要我帶返去比佢睇吓…！」
「咁我明啦…你想我扮你男朋友等你唔洗去相睇。」我對淑敏說的還是有疑惑︰「咁點解要搵我啊？我地又唔熟，我又唔係特別靚仔，你搵果個杜嘉奇佢一定肯幫你加樂意至極啦。」
「因為…因為我已經比咗你張相呀爸睇啦！」
也即是她肯定我會答應她…女人…好一個心計！
「你應承咗我幫手㗎啦，唔準反口！」淑敏一手大力拍在我的肩膀上。
事情就是這樣…
我現在拖着淑敏的手，坐在淑敏父母的對面。
「你係任杰庭啊可？」淑敏的父親有着一把嚴肅的聲音。
「係…係啊世伯，我係任杰庭，係樂…淑敏嘅男朋友。」面對人生第二次「見家長」我的手心不斷冒汗。
「唔洗咁拘緊㗎，大家將來都係自己人，除非…你唔想做自己人。」相反淑敏的母親有着一把慈祥溫柔的聲音，可是說話中卻帶有弦外之意，看來我也不可以掉以輕心。
「我緊係想啦伯母，我已經同淑敏約好咗等我搵到啲錢之後就會結婚㗎啦。」
「咁即係你搵唔到錢我個女成世唔洗結婚啦？」淑敏父親說話咄咄逼人。
「我一定會搵到錢㗎！」我緊握着淑敏的手放到拿起來︰「我應承你哋，應承淑敏！」
這時淑敏的臉泛紅起來︰「係囉…呀爸呀媽，你信呀庭啦，佢唔好你個女我都唔會簡佢啦。」
這時淑敏媽媽捉緊我的手︰「我個女就交比你啦。」
這一場胡鬧的「見家長」就此落幕。
當我離開starbucks時，我看到一個熟悉的身影注視着我們…
他是杜嘉奇…
而他身旁的是…樂符。