難道沒練習太耐　感覺都追不回來: 初見

好快就到星期六,
啊南約左我12點apm等,
我特登10點半起身,
刷牙洗面,沖左涼,
著左件CHOCOOLATE恤衫
黑色長褲,
黑色CONVERSE,
11點出街食左個m記早餐
食左個熱香餅, 飲左杯朱古力,
正!




食完早餐就去左APM,
一去到就見到成套運動衫既啊南
Nike衫,adidas褲,Nike背囊,adidas襪,
aj11鞋
高我半個頭既佢加上成套運動裝,
似去打波多過去唱k,
唔理啦
係行更上去k房,啊南好似同緊個人Wts,
大概話同個friend上今黎
到左門口,行入去走廊個時真係步步驚心,




一入到去就都見到幾個女仔,

但係令我印象最深刻係坐係中間既佢,

佢一抬起頭就見到佢水靈靈既眼睛, 鼻高高既佢,帶有少少韓國女仔既感覺 簡單的化妝,小小的紅色嘴唇
微笑的時候少少既酒粒係個個時候我已經知道女神既定義係咩
高度同我差唔多既佢著住一套白色連身裙
加上燈光暗暗既feel
讀左咁多年書 都搵唔到靚的定義
睇黎我今日搵到





做咩一直望人喇!
係睡夢中,啊南既一聲叫醒左
清醒來的我,我望住佢佢望住我
佢輕輕一笑 突然呢個世界好似得番我同佢
佢呢個樣靚到吾知點用字黎形容,
如果真係要形容就真係得一個字
望乜呀?想溝人呀?人地有男朋友架啦...
人地有男朋友架啦...
人地有男朋友架啦...
人地有男朋友架啦...
因為太重要所以講三次