太陽之後的世界: 第十三章—「Gone」Girl?

「吓......男朋友?!」俊軒驚訝。

「你嚇親我個朋友啦！扮咩男朋友姐你。」晏陽無奈說。

「對唔住囉！我其實係佢阿哥吖。」男孩大笑著說。

「喔...原來係阿哥。嚇死人咩！」俊軒心想。

「快啲食早餐啦！」晏陽說。





「喂做咩有個男仔係屋企架？你曳啦而家！」

「你諗左去邊，我地朋友黎咋！」

「係咪咁呀？個男仔好似鍾意你啵！」子朗藐嘴。

「你就鍾意我！唔好亂咁講野吓親人啦！」

「做咩咁緊張人呀？你鍾意人地呀？」子朗繼續藐嘴。





「你就鍾意人地！我無鍾意佢囉！」晏陽快想打他。

「我唔鍾意佢我最鍾意你架啦阿妹！」子朗大笑說。

這些話，俊軒都聽到了。

「原來佢真係無鍾意我......咁又係既呢啲陽光女仔我又點會配得起......」

「我走先啦，番學見啦陽！拜拜！」





門「碰」一聲關上了。

晏陽看著白白的門，不知所措。

今日，不用番學呀！

------

「俊軒！喂......」晏陽上氣不接下氣地說。

俊軒始終頭也不回，加快步伐就走了。

晏陽想著追上他，但因為紅綠燈關係，最後俊軒不見了。

突然晏陽的電話響起了，聽完這個電話，她的臉色變了......





晏陽手持著俊軒的外套，沒精打采地在街上遊蕩。

她穿著長長的白裙，拿著黑黑的外套，然後坐上了平時的巴士，漫無目的。

------

「鈴.......鈴.......鈴......」俊軒電話響起了，是雅婷。

「喂，俊軒......」話筒傳來一陣抽泣的聲音，雅婷哭了？

「做咩事吖？」俊軒溫柔地說。

「我......係你屋企樓下，你可唔可以出一出黎......」雅婷的聲音小得差點聽不到。





「我係出面，而家過黎搵你呀！」俊軒和雅婷是好朋友，當然他也會擔心。

俊軒到了屋企樓下後，看見一個身穿白衣的女孩，坐著在長凳上。

「雅婷...？你點呀？」

「我.....同男朋友分左手。」

「哇，你拍拖點解我地唔知!?」俊軒心想。

「兩個人一齊耐左，始終有啲摩擦，好容易散。」俊軒盡可能安慰她。

「但係我真係愛佢......」雅婷開始哭起來。

雅婷哭了半日，最後哭到累了，挨著俊軒睡著了。





俊軒看著這個哭到鼻子都紅了的女孩。

「真係傻妹黎！喊到咁。」俊軒笑了，撫摸著她的頭髮。

晏陽在俊軒家的巴士站下了車，眼神呆滯，在遠處看著俊軒與雅婷。

突然，俊軒前面有個身影，是晏陽。

晏陽放下外套，沈默地轉身走了。

之後兩個禮拜，晏陽都沒有上學，就像人間蒸發一樣。

究竟，為什麼晏陽突然神不守舍呢？