太陽之後的世界: 第八章—那一天的平凡?

原來，俊軒去了為晏陽準備生日禮物和驚喜，所以無去買咖啡。

「對唔住吖，我琴日突然有啲急事，無黎到幫你手。:( 」軒 11:20

「唔緊要啦！我本身都係要自己做既。;) 」陽 11:23

今日是星期六，也是陽的生日。

但是，陽並沒有請假去慶祝生日。而且，還工作一整天。





而俊軒、洛文、凱汶、雅婷和心盈，就在咖啡店附近的餐廳等晏陽放工，為她慶祝生日。

他們在等待晏陽放工的期間，在聊著她的事情。

「點解阿太陽明明今日生日，都要番工番成日架？佢老闆咁無良既！」洛文有點不高興。

「唔係吖佢老闆好好架！你唔知就唔好亂講啦。」心盈說。

「其實陽陽話佢老闆係呢日比左假期佢架，只係......」凱汶接住說。





「只係咩？」俊軒很想知道。

「只係陽陽推左，仲提議話想番成日工，最後佢老闆都應承左！」雅婷答。

「喂太陽傻架？生日唔去挽仲要提議番成日工？！」洛文百思不得其解。

當然，俊軒也不明白。

「其實自從佢屋企人去左加拿大之後，佢就決定左番住工咁過生日......」心盈越講越頹。





「而且，佢啲朋友都唔會幫佢慶祝生日...」凱汶最後補充一句，但聲音逐漸變小。

雖然一開始俊軒和洛文都不太了解，但聽著心盈她們三個的話也開始體諒晏陽。

他們幾個看著在工作的晏陽，只有嘆息的回應。唯獨俊軒在認真想著晏陽的苦與酸......

「我地食啲野先啦，太陽佢好似擦緊窗。」洛文提議。

「好吖......」心盈、雅婷和凱汶的聲音此起彼落。

「Hey，阿軒。你想食咩？」洛文指住餐牌問。

無人回應......

「阿軒！想食咩姐？」洛文說完望向俊軒的位置。





看見的只剩下椅子在轉動著......

「軒呢？！」洛文很驚訝。

此時，他們四人的電話同時響起wts的鈴聲。

「我去搵晏陽，順便氹下佢開心，你地食先。=p 」軒 16:09

原來，軒剛剛走出餐廳，去找陽了。