太陽之後的世界: 第四章—溫暖陽光☀️

她幫俊軒貼完膠布，還繼續說，等著洛文回來。

她說話的時候，樣子很傻氣又很天真。

俊軒與她對望的時候，看著她那雙清澈、堅定、天真無邪，而且是水汪汪的大眼睛，使軒感到更暖了。

「咦？陽陽，你係到既？過黎打陣波啦，雅婷走開左呀！」心盈說完就拉著晏陽。

「額......但係......」





「睇佢都無咩事架啦，快啲行啦！」心盈看看俊軒。

「我無咩事啦，我係到等洛文就得！你去打波啦。」俊軒萬分不願意地說出了這句。

「咁......你自己小心啲啦啵，俊軒。」晏陽還是有點不放心。

「知道啦。」俊軒眨眨眼示意晏陽離開。

說罷，晏陽隨著心盈離去。俊軒看著她慢慢變細的背影，呆住地坐著。





「阿軒！阿軒！阿軒......」一陣雄厚的聲音叫喊著。

「喂！俊軒！叫左你好多次啦！」洛文無奈說。

「哦...係咩？對唔住嘛，啱啱諗緊野。」這時俊軒才回過神來。

「睇你個身都唔痛啦，但係你個心好似出左事啵！」洛文用一個詭異的眼神看著他。

「咩......咩呀！邊到有事！」俊軒有點臉紅。





「個心出事囉，我都救唔到你啦。」洛文好像看穿俊軒的心一樣。

「你就有事！」俊軒笑著說。

「點吖？係咪比太陽吸引住吖？睇你個死樣都係架啦！我識凱汶，知道太陽啲野，想唔想聽下吖？」洛文奸笑說。

「你就比佢吸引！不過，聽下都無妨。」俊軒假裝淡定，其實內心好想知道。

「佢呢，係我地級既大太陽，成日無意中比到人一種好溫暖既感覺。但係佢個班朋友唔係好鍾意佢呢種性格，所以成日對佢好差。佢得番凱汶佢地三個最好既朋友兼波友架咋！雖然佢既朋友對佢好差，但係佢都係以笑容面對所有人。只有凱汶佢地三個先知深處既佢有幾辛苦......而且佢既暖、佢既笑容，都好受男仔鍾意架！你係鍾意佢就加把勁啦。」最後那一句洛文特別強調。

洛文說完，就送俊軒回家。

因為俊軒的家人在外國，所以俊軒是和其他學校的幾個同學住在一齊。

當然，同一屋簷下的同學，也是俊軒的好朋友—志高、俊弘和振宇。





俊軒回到家，坐在床上。看著之前他偷拍晏陽的照片，默默地笑了。

「我鍾意左一個女仔。」俊軒突然之間彈出一句。