不知不覺愛上你: 13. 飲酒

呢次係我第一次在 LuLu 飲酒.  Charlotte 話之前同朋友嚟過, 話覺得好飲過 LKF, 所以介紹我嚟試吓.

其實只要係同佢飲, 去邊道都係咁好飲㗎啦, 就算係飲水都會係好好味.

佢話遲到唔好意思, 我話等靚女係我嘅榮幸, 佢再話啱啱食完咖喱唔好坐咁近, 我話我覺得佢嘅香水味加埋咖喱味好吸引.

叫咗兩杯 Mojito (呢道冇我最鍾意嘅 blue margarita), 我地一路飲一路繼續傾.

"...上電台係唔係好好玩㗎?  點解你拒絕哂七個男仔嘅?..." 我問.





"...it is just a show..." Charlotte 諗咗一段時間先答我.

飲飲吓佢電話響, 佢望咗一望電話之後同我講:

"...我出去聽個電話先..." 佢講完就行出門口講咗十幾分鐘電話.

得返我一個, 杯 Mojito 都比我好快咁飲哂.  可能空肚飲又飲得快, 我開始有少少醉意.

佢終於返嚟, 見到我飲哂佢問我要唔要多杯, 我話同佢飲飲多幾多杯都冇問題, 我地最後叫多兩杯 Macallan.





佢真係好健談, 又成日笑, 同佢一齊一定唔會悶.  佢話佢同家人關係好好, 我話我好羨慕佢 (因為我同我父母之前吵大鑊好耐冇聯絡).

飲到十二點幾, 佢話有啲眼瞓, 雖然好唔捨得, 不過冇理由睇到佢咁眼瞓都唔比佢走.

我好快就埋咗單 (張單我而家都 keep 住當係一個回憶同紀念).

"...多謝你比機會我第一次請女仔飲嘢..." 我走之前同佢講.

這次喺我第一次同 Charlotte "飲酒".