不知不覺愛上你: 11. 等待

"...你真係等我?  可能好夜㗎喎..." --- Charlotte 繼續問.

"...之前次次想約你你都唔得閒...你比劉德華更加難約...今晚點都等㗎喇..." 其實我今日企咗成日腰骨好痛, 不過我無理由有機會搵 Charlotte 都放棄, 所以點都等, 最多聽日唔做 gym 休息多啲.

"...咁好啦, 九點尖沙咀見啦..." --- Charlotte 話趕收工今晚見面再傾.

而家先七點, 我食埋飯再去尖沙咀應該差唔多.  死!  電話用咗一日差唔多無電!  無電今晚搵唔到 Charlotte 㗎喎.

"...Vivian 你知唔知邊道可以叉電?  我個電話就黎無電..." --- 維他奶





Vivian 即刻 whatsapp 返我.

"...Starbucks 或者 Pacific Coffee...一唔一齊食飯呀?  你今日咁辛苦我請你食大餐好嗎?..." --- Vivian Lam

我一直跟住電車路向銅鑼灣方向行, 去到銅鑼灣廣場附近見到有 Starbucks, 我即刻衝入去睇吓可唔可以叉電.  點知全部叉電位都比人坐哂, 點好呢?  真係無電啦, 機都開唔到!

我記得大有廣場有 Pacific Coffee, 而家無辦法, 雖然遠都要行, 為咗 Charlotte 無所謂喇.

行咗總共45分鐘, 終於可以叉到電.  我買咗杯朱古力飲 (我係一個唔飲咖啡嘅人), 一路飲一路等時間過.  雖然成晚都未食嘢, 但係諗起可以見到 Charlotte 我咩肚餓都唔記得.





"...一唔一齊食飯呀?  問極都唔答!!..." --- Vivian Lam

我無打算覆佢, 只想慢慢咁等待同 Charlotte 見面嘅時間.  再過10分鐘就係時候出發去尖沙咀.

這次喺我第一次 "等待" Charlotte.