不知不覺愛上你: 5. 牽掛

已經四日無收過 Charlotte 嘅 message, 唔知點解好想再次收到佢嘅正能量, 又有啲掛住佢嘅感覺.  雖然只喺 message 過一次, 但係而家我每日都開住 Facebook Messenger, 五分鐘就 check 一次, 睇吓會唔會收到佢嘅 message, 當然最後就喺每五分鐘失望一次.

唔知佢呢幾日工作壓力大唔大呢?  尋日有冇瞓十幾個鐘呢?  有冇食四川嘢呢?

今日放工一個人行咗去 LKF 飲酒, 一路飲一路諗:  如果而家 Charlotte 同我一齊飲又比啲正能量我你話幾好呢!

突然收到 whatsapp message:

"...我而家在 LKF, 可以一齊 happy hour 嗎?..." --- Vivian Lam





唔知點解睇完個 message 突然覺得好失落, 如果係 Facebook Messenger 閃綠燈我諗我會開心好多.

近排工作好忙, 要準備一個好大型嘅 function, 有時要十點幾先走得.  但係無論在公司定喺屋企, 我都好似好難放鬆, 每次電話震我都會好緊張, 瞓瞓吓覺又會起身望電話, 點解會咁㗎呢?

我覺得好辛苦, 日日都好似神經衰弱咁, 有咩人可以幫吓我呢?  其實我只係明知故問吧!

"...你請嘅無問題..." --- 維他奶

雖然 Vivian 真係好煩, 但係佢都可以話係一個好好嘅女仔, 起碼次次我唔開心佢一定陪我, 就算我發佢脾氣佢都一定陪到我開心返為止.





身邊係一個人, 掛住嘅又係另一個人, 這種感覺, 你懂的!

這次喺我第一次 "牽掛" Charlotte.