肥仔與女神的初戀經歷

初遇同學
故事要追憶返2013年9月,香港青少年惡夢----開學。
我,2013年暑假無咩特別事情發生,只係一個過左世界末日嘅暑假,已經過左九年開學嘅我,對開學無咩特別感覺,都係放學衝rank嘅節奏,同前幾年一樣(本人s2頭開始接觸lol美服ranked>1200)。回正題,今年分班同往年唔同,今年以選修科分班,本人修讀3X博多啲學習機會,包括Bio chem Econ三科,而我則被編入理科班。入到班房,有一半以上都係陌生嘅面孔,但都係有係初中見過面,唯獨有三個陌生面孔係初中無見過,根據我睇左死亡筆記幾年,照我嘅推斷,一定係插班生,最特別係三個都係女性,當時三個都坐左係度,照我觀察,有一個可以話係女神級,只係初黎報到有啲唔慣姐。


我一個轉身走到班房最入,諗住坐到窗口邊扮一下動漫男主角,幽鬱嘅眼神,稀虛嘅鬚根,掩藏一下主角本能......誰不知:喂!罐罐!呢邊有位呀坐過黎啦! 係囉一齊傾啦!
根據唔知邊個理論家講過:人在陌生嘅地方一定要揾啲熟悉嘅人,如果唔係你會好難過。。。
唔理型唔型啦!扮左熟先講之後,我一個舉高左手叫左聲:喂!衰鬼好耐冇見! 之後就聽下佢地啲話題大多數圍繞lol 都係啲食兵啊 插眼啊 野怪出生時間啊 都係啲基本功 我最多講幾次白痴野引下成班機友笑下咁。
而女神就第一次轉過黎對我笑一笑 我分唔清佢係恥笑定傻笑,但呢一次笑永遠記係我心入面。