(無甜)上天給我的一個玩笑 (新增外傳): (31)

而我不斷咁補位同佢地係咁對抗，我都已經開始體力透支，再加上啊軒唔係場上，進攻火力大減，所以對面領先住我地八分
 
「換人」係比賽仲有十二分鐘嘅時候
 
啊軒同我對換，而城城亦都同我坐係到留意緊場上嘅戰況
 
「辛唔辛苦呀?」啊螢走埋黎幫我抹汗
 
「仲差少少炸」我有啲不憤「放心啦我一定會嬴嘅」
 




「啊風，你乖乖休息，最後五分鐘我要定勝負」盧SIR好認真咁同我講
 
啊軒落到場後都係幫手防守，暫時仲未進攻
 
過多兩分鐘城城都落場替換啊友
 
「城城，同啊軒啊明講盡情開火」盧SIR拍一拍佢「出場」
 
「收到」城城亦都步入球場
 




收到盧SIR嘅指示後，啊軒即刻黎個大解放瘋狂進攻對方籃框，係咁追分
 
而對面全場都無換過人，體力消耗得太犀利，不過Eric同肥賢都仲可以雙人夾防啊軒，令啊軒進攻困難
 
呢種情況啊華就學我咁幫啊明單擋，等啊明有空擋得分
 
呢個時候分數漸漸拉近
 
時間一分一分咁過，去到最後五分鐘
 




「啊風，到你上場啦，唔洗進攻，唔洗企死籃底，同我鎖死肥賢」
 
「收到」我放下身上嘅毛巾步入球場，換走幾乎打足全場嘅啊華
 
落到場後，肥賢同Eric都係瘋狂進攻，不過Eric比休息過後嘅啊軒守死左
 
對面其他人漸漸跑唔郁，所以進攻點得返肥賢一個
 
籃底之下無左啊華幫手搶板，啊軒又要企係三分線附近守住Eric，所以我嘅責任就更大
 
對面經常將個波傳比力量同分量十足嘅肥賢，雖然佢嘅力量因長時間比賽而漸漸下降，但仍然分量十足，可以撞開我，不過休息過後嘅我又點會比你成功
 
我偷偷留小小空位比肥賢，佢就想即刻轉身放籃，呢個時候我將佢個波蓋左落黎，啊明拎左波後亦都即刻轉比跑緊嘅城城，對手追唔上城城，所以城城亦都輕易得分，我地嘅比分亦都反超
 
剩下嘅時間，因為對面體力透支而放軟手腳唯獨小學雞唔認輸




 
而我地唔去到最後一刻我地都唔會放鬆，不斷守同不斷攻
 
「咇咇咇」球證吹雞「完場，5B班嬴出賽事成為冠軍」
 
我地以十分之差嬴左A班
 
係呢一刻個個人都大叫狂呼起黎
 
我地班亦都無走去Eric前叫囂
 
而我就衝左上去擁抱住啊螢
 
「嬴左啦!!!」我大叫
 




「我知你實得嘅」啊螢亦都攬住一身汗嘅我
 
「咔擦」負責做比賽攝影嘅老師亦都不忘影低我同啊螢嘅擁抱
 
頒獎過後
 
校方亦都幫我地影下大合照留念，呢張相所有人都著住一式一樣嘅球衣，顯得我地特別團結
 
「大家做得好」盧SIR比個GOOD嘅手勢我地
 
「拿，大家努力嬴左呢個比賽，我都兌現承諾啦，其實我已經BOOK左枱去打邊爐慶功，而家快啲去沖身換衫，起行啦，盧SIR都一齊黎啦」班主任拍拍手叫我地
 
「係!!!」軍隊MODE仍然係到