(無甜)上天給我的一個玩笑 (新增外傳): (22)

呢一年嘅暑假過得特別快…話都無咁快又開學啦
 
「大家早晨」班主任行左入班課「呢個暑假大家過得開唔開心呀?」
 
大家都只顧自己同好友聊天，都無人理佢
 
「大家留心聽住」班主任拍一拍手「今年呢就係學校三十五周年校慶，相信會有好多活動黎慶祝，就係今朝就已經收到通知，學校將會搞一個全校嘅班際歌唱比賽，大家記得投入參與啦喎，拿為表示我地班係團結嘅，我要你地全部都上台唱架，今次個比賽唔會有任何限制，當然若果啲歌有粗口嘅當然唔得啦，大家自由發揮啦」
 
唔是吧…五音不全嘅我要我上台唱歌
 




「唉…唱咩呀，人地班又有合唱團，又有可以自己一班組一個樂隊，點嬴呀」班上嘅人都忍唔住講出呢個殘酷嘅事實
 
「大家我有意見」啊恩突然企左起身「既然大家都打定輸數，咁不如我地黎一個反主流，就算嬴唔到都會有人記得我地」唔知點解佢要望住我同啊螢
 
「姐係點呀?」啊華好似好有興趣
 
「我地揀一首普通話歌，但由頭到尾都用粵語唱啦」
 
「好似幾得意咁喎」，「幾有創意呀」，「唔會因為咁樣我地嬴埋掛」班上嘅人無咩鍾意，最鍾意就係玩呢啲新奇野
 




「歌我都諗埋架啦，一於就唱「流星雨」啦」啊恩其實一早有哂Idea「因為我試過啲音都幾得意」
 
「有人肯揀就得啦」啊華呢一刻雙眼發光
 
「咁大家記得遲啲要留係學校練歌啦喎」班主任加插一句「我可以幫你地Book埋禮堂黎練歌架」班主任都好似好興奮咁…
 
「好!!!」成班人拍枱企起身
 
晨早流流洗唔洗咁熱血…
 




往後嘅日子大家都係到準備呢個歌唱比賽…仲好似非常期待
 
日子一日一日咁過，終於去到比賽個日
 
「下一班輪到5B班，請5B班到後台準備一下」MC呼喚我地班啦
 
係後台個個都一臉興奮，唯獨我…
 
「感謝5A班嘅演出啦，之後就到5B班出場啦」MC再一次呼喚我地
 
係出場呢一刻我發現唔見左啊慈嘅…唔通佢做逃兵?
 
當大家都企好位之後，啊恩示意一下後，音樂開始奏起…我嘅不安亦都奏起
 
一開始大家都係安彩排嘅時候咁演出…直到最後一段




 
大家突然散開哂，將我同啊螢推向最中間，著左嘅Projector畫面一轉就Show左個次露營嘅相…
 
頭幾張都只係一啲普通嘅星星，突然有一張係兩個人背住鏡頭，一個人挨落另一個人個膊頭到…
 
雖則只係得個背面，但唔洗問都知係我同啊螢啦…
 
仲未完結…啊恩仲將我同啊螢隻手疊埋一齊…示意我地拖手…我地兩個條繩亦都露埋出黎…
 
台下開始有啲嗚嗚聲…
 
「陪你去看流星雨落在這地球上 讓你的淚落在我肩膀
要你相信我的愛只肯為你勇敢 你會看見幸福的所在
陪你去看流星雨落在這地球上 讓你的淚落在我肩膀
要你相信我的愛只肯為你勇敢 你會看見幸福的所在」




 
成班人突然變左兩個一組，模仿住相中嘅我同啊螢挨住係膊頭再加上彩排時嘅動作...而我就拖住啊螢一啲反應都無...而且我同啊螢塊面紅到好似蕃茄咁
 
台下嘅一班人見到呢一刻係咁係到尖叫歡呼...
 
「你會看見幸福的所在」啊恩埋尾
 
「嘴佢!嘴佢!嘴佢!」成班人係台下大叫