金庸今年出食譜？: 六

是誰？

「咯咯」遠處傳來一陣腳步聲。

「六脈神劍！」一指劍氣直飛向「菊花大俠」手中的食譜。

「熊！」一聲，「菊花大俠」還未黎得切反應，手上食譜便燒起上黎。

倒地的雲中鶴亦漸漸消失剩下殘影。





如果我無估錯的話，剛才擊倒雲中鶴既神秘黑影係楊過。

因為佢既右臂係斷既。

「跟住落黎就輪到你啦！小弟弟！」

一個高高瘦瘦既男人映入眼簾。

「你？你好熟口面，你係咪電視教人煮野食既C哥？？？」我問。





「呵呵呵呵呵！你話呢？」男人笑笑口。

我再仔細望清楚，說：「無錯！係你！C哥！估唔到你都會玩呢個大賽，不過以你今時今日一級大廚既地位點會稀罕十萬蚊呢小小錢？」

「理由好簡單，就係好玩！」C哥說，「我細個睇金庸小說就成日幻想自己係絕世武林高手，正好而家呢個比賽讓我夢想成真！哈哈哈哈！」

「好！我明白！C哥平時你d飲食節目我集集都追，睇在呢個份上你今次可唔可以放我一馬唔燒我本書？」我哀求道。

「唔得！」





「唔好咁啦！C哥！我真係集集都睇你架！我同我老母我老豆全家都係你Fan屎黎架！」

「唔得！」

「大俠！C大俠！俠義精神就係鋤強扶弱，身為大俠，先擊退強敵，再保護弱小，頭先你已經達成第一項鋤強，接下來大俠你要扶弱呀！」

「我只係想統一武林，無話過做咩大俠！」C哥說。「無錯！但堂堂武林霸主欺負一個弱小學生也並非光鮮之事，你話對不對？」

「嗯......」C哥諗左諗，「好似有小小道理，好，今次暫時放你一馬，下次俾我再見你就絕不留情！」

「好好好！多謝C哥不殺之恩！」

說罷，我便飛快逃回家！