【遠在咫尺】我在日本的六十天: 40

40. 
// 
睡到自然醒， 
才只是晚上八點。 

帶點期待的望望電話， 
但筱汶並沒有搵我。 

情緒漸漸的變得有點憂鬱， 
為了不讓心情繼續差下去， 




我簡單的梳洗一下， 
走到樓下， 
在酒店附近隨便找點吃的。 

才走了幾步， 
我便見到一間熟悉的居酒屋招牌， 
眼前的這間， 
就是上次跟筱汶在新宿閒逛那晚， 
她帶我去的那一間。 





重回舊地， 
這裡佈置沒變， 
熱鬧程度沒變， 
服務態度沒變， 
變的只有我的感覺， 
和我身旁的位置。 

今次獨自一人， 
就只有寂寞陪伴我。 





一個人點了幾份串燒和一杯啤酒， 
望望四周， 
附近也有不少跟我一樣的人， 
喝著啤酒， 
臉上一片愁雲慘霧， 
各有各煩惱， 
可是現在不知有誰能理解我的心情？ 

吃飽後心情沒什麼大轉變， 
我選擇了直接回去休息。
 
在澡堂洗澡過後， 
我帶著電腦到Common area， 
邊喝牛奶邊玩電腦。 





電話又振動了一下， 
這次是阿康。 

「喂！我打算過兩個星期黎日本玩呀。」 
「咁突然嘅？」 
「係呀，今日老細問我呢排想唔想放假，咁我又無咩所謂。」 
「咁你諗住去邊呀？」 
「想去名古屋，同埋附近白川鄉個啲。」 
「我都想去呀，不如我到時過黎搵你？」 
「好呀，反正我未諗到同邊個黎玩！你會唔會叫埋你個筱汶黎架？」 

「其實...」 

再次被阿康的說話無意傷害了， 
這次我沒有再隱瞞、迴避， 




因為我真的很想多找個人分擔一下， 
來理解我的心情。 

「嗯...你係我心目中一直都係好理性嘅人，估唔到你今次會咁。」 
「只可以講，感情問題有陣時真係好難用理性解決，唉。」 
「其實你都好大壓力，係咪？」 
「嗯..做咩咁講？」 
「因為你同我講過，愛情無分對錯，但中意人地女朋友就一定唔岩。」 
「我係咁講過...我都估唔到，我會變成我自己最憎嘅一類人。」 

「唔好咁諗，唔試過你點會明白，有好多野唔係你控制到。」 

「係...我唔想架，我真係唔想咁樣架...我只係想同我中意嘅人一齊，簡簡單單咁樣，我只係想咁樣...」 

我擦擦眼睛， 




原來眼角又已沾上淚水。 
//