千禧港女神探（一）春風化雨殺人事件: 第四十五話　監獄探訪　

第四十五話　監獄探訪

高子峰說：「我乜嘢都可以忍，就係忍唔到連基本嘅尊重都無，我要求調組。」

嚴崇峻說：「調組？我調你老母！你依家好唔想對住我咩？」

高子峰說：「我忍夠你喇！你點鬧我都可以，但係唔該你尊重我老母。」

嚴崇峻說：「既然你唔想對住我，我就成全你，你依家即刻返學堂再操過，操到Fit曬先至返來。」





高子峰說：「好！我依家就走，Madam希望我返出來之後，可以再跟返妳。」

趙芷芳說：「我等你，一定要盡快返來。」

嚴崇峻說：「咁妳又點呀？使唔使返學堂學多次點查案呀？」

趙芷芳說：「唔使，我會好好檢討，作出改善。」

嚴崇峻說：「計我話女人之家，學乜嘢人當差，搵個男人嫁咗去，喺屋企煮飯洗衫咪仲好。」





趙芷芳說：「依家男女平等，女人一樣可以有自己嘅事業，唔係一定要靠男人養。」

嚴崇峻說：「想做女強人⋯⋯吓話！咁就唔該妳以後醒醒定定，唔好再衰俾我睇。」

趙芷芳說：「無問題，我以為一定會更加小心，唔會再拉錯人。」

嚴崇峻說：「妳係至好講，要鬧嘅都鬧完，返出去做嘢。」

趙芷芳離開嚴崇峻的房間後，正在自言自語，口中念念有詞。





趙芷芳說：「我都想搵個男人愛錫我，但係搵到至得，邊個男人會鍾意差婆？」

另一方面，謝隆恩、黎國光、張宇傑、徐梓俊還押拘留所，等候審判。

經過法庭審判後，謝隆恩年滿16歲，作為謀殺案的主犯，兼拒捕和襲警，依例判處終身監禁。

黎國光亦是年滿16歲，蓄意傷害他人身體證據確鑿，而誤殺則不成立，判處監禁三年。

張宇傑和徐梓俊作為謀殺案的同謀，理應重判，辜念兩人自首認罪，

轉做污點證人，協助警方逮捕謝隆恩，及在被脅迫之下犯案，判處監禁五年。

但是兩人輪姦麥劍蘭則證據確鑿，可幸兩人並非主謀，判處監禁五年。

另外，張宇傑和徐梓俊未滿16歲，以少年犯來看待，將會先被判入男童院。





殺人事件落幕，CFY回復正常，各人忙着做自己的事，開始對此事淡忘。

然而，5A班的課室中，古偉達、黃傳聲、謝隆恩、黎國光、張宇傑和徐梓俊的座位懸空。

5A班各同學睹物思人，六位同學就此離開，各人不禁黯然神傷。

放學時，葉雨虹失魂落魄，葉雨晴看見後上前安慰。

葉雨晴說：「家姐妳點呀？係咪掛住怕羞仔呀？」

葉雨虹說：「佢話曬都係為咗我傷人而被判坐監，我個心又點會安樂。」

葉雨晴說：「掛住人咪去探人囉！最多我陪妳去喇！」





到了星期六，兩人一起前往囚禁刑期較短罪犯的西貢壁屋監獄，探望黎國光。

可是，每次只限一人探訪，葉雨晴唯有在外面等候。

葉雨虹在探監房中，拿起電話，隔着玻璃與黎國光談話。

黎國光說：「Rainbow好耐無見，我仲以為妳唔會來探我。」

葉雨虹說：「點會喎！我同你永遠都係好朋友。」

黎國光說：「除咗屋企人之外，就只有妳來探我，妳對我真係好。」

葉雨虹說：「話曬你都係為咗我而傷人，我個心真係好過意唔去。」

黎國光說：「咁Winson話要搞妳喎！我點可以忍佢！」





葉雨虹說：「你真係好傻，你講俾我聽，我自然會防範。」

黎國光說：「但係Winson追女仔好有手段，我怕妳會被佢玩弄感情。」

葉雨虹說：「我一心只係諗住讀書，又點會對佢有興趣呢？」

黎國光說：「我都明白，人望高處。妳係女神，又點會對男同學睇得上眼。」

葉雨虹說：「其實我根本就無諗過呢個問題，你都唔好諗咁多。」

黎國光說：「我都知道自己配唔起你，依家仲坐監，就更加無希望。」

葉雨虹說：「如果我因為妳坐監就睇你唔起，我根本就唔會來。」





黎國光說：「妳放心，我保證放監出來之後，一定會重新做人。」

葉雨虹說：「咁我就安樂喇！三年好快過，你要積極面對。」

黎國光說：「咁我係咪仲有希望呀？」

葉雨虹說：「我都唔太清楚自己鍾意乜嘢類型嘅男仔，我暫時最多只當你係知己。」

黎國光說：「我可以做到妳嘅知己已經好滿足，唔會再強求。」