假如世界只留下小部分人，你還有勇氣生存嗎？: 目的地

8時正


走左之後，我地一直係鳴琴站等，等左半個鐘。都未見呀健，而周圍嘅屍都好似食飽唒咁，有啲訓左係到，有啲冇目的咁慢慢行。


「咁點？我地走未丫」呀傑打破靜局







「唔得住！我地要等埋呀健。」呀峰馬上回答



「但再係咁落去，呀文係咁出血，佢可能會死架！」呀柔非常擔心



「咁一係你地走先啦，我信呀健，佢一定會嚟！」







「唔得，一係咁，我同呀峰留係到，我比個地址你，係個邊等丫？」



「好，就咁話啦」就係咁，呀傑，呀文，呀柔就行先，只留番我同呀峰係到，時間係8點30分。

「萬事小心」







「佢地已經出發左半個鐘啦！呀健仲未見人架」我話


係呢個時候，見到一個身影係天橋行出嚟。


「係呀健呀！」呀峰即刻跳出嚟



我同呀峰都走左過去







「喂，呀健，咁勁嘅，你點走出嚟架！」



「一路行一路講，啲屍應該會跟住我地！」
呀健好冷靜咁講



之後我地一直保持最快速咁行，因為呀健受左傷，所以跑唔到！


「頭先我咪叫你地走先嘅？跟住我把槍又冇唒子彈啦，所以我咪係樓梯個到，一下跳左落去囉，好綵個到三樓，跟住我想過嚟揾你地嘅時候，發現個成條路都係屍，咁我咪只可以行另外一邊囉，所以咪行左咁耐，係呢，佢地呢？冇事嘛？」呀健一路行一路講