假如世界只留下小部分人，你還有勇氣生存嗎？: 暴風雨前夕

我叫陳照，好多人都叫我做呀蕉，理所當然我英文名就係banana啦，我係一個平凡嘅中六生，居住係屯門嘅一個小屋邨，我冇諗到呢幾日就係我人生嘅轉捩點，點解我咁講？因為我平時都只係一個冇人識嘅人，根本就冇人理我，所以我生存嘅世界就好似只有我自己一個。另外，因為我嘅屋企人都長期不在家，所以更加寂寞，因為佢地長期係外地工作，一年都見唔到幾次，所以我平時日常都係同我死黨過


我個死黨叫呀文，因為由細識到大，所以我
地乜都會講，平時我地一係屋企就會打機，今日都唔例外，咁我地一路傾電話一路打機，突然，窗外一閃，黄色嘅閃光打落地上。

呀蕉，你係到做緊乜，快啲幫手啦。


我比呀文一叫，立即回過神來，我就同佢講。






呀文，你覺唔覺得好似有啲唔妥？你睇下個天？平時都好似唔係咁嘅色，呢家就紫紅色，街上面一啲聲都冇，人影都冇隻，會唔會有啲野？


點會呀，好明顯你諗多左啦，你住咁高，緊係聽唔到有聲啦。


可能係啦，我唔打啦，眼訓，聽日見啦。
好，早抖。






如是者，就過左一晚，一開眼，太陽明顯地比平時紅，比平時顯得更加大個。


啪！啪！啪！開門啦！係我呀，呀文。


我並不驚訝，因為每朝呀文都會揾我，因為佢就住係樓下個層，我一直都夢想所有朋友都住係同一座大廈。不過又點會得。






咩事呀？呀文咁早揾我。
冇丫，想揾你打機姐。


就係咁，我地就由朝打到夜晚啦！


呀文，你覺唔覺今日個天好似紅個琴日，你睇下街，一個人都冇。


係喎，可能有啲事發生，開電視睇下先。
特別新聞報導：街上出現不知明物體！各位市民請盡量留係家中，冇咩特別事情就唔好出街啦！






呀文睇完驚到要留係我屋企訓。


啲人話暴風雨前夕都係平靜嘅，唔通遲下會發生大件事？

呼！呼！呼！