假如世界只留下小部分人，你還有勇氣生存嗎？: 歸來

十點正

咯咯咯！
峰:喂，你道門又響啦。
表弟:你去開啦，著番條褲先！
我一路行一路問，邊個呀！

文:係我呀，呀文呀！

我即刻沖過去開門:你終於都肯嚟啦咩？佢地係？





文:入去先講啦！

呢家係屋入面有九個人。

如是者我把頭先發生嘅事情話唒比佢地聽，佢地都嚇左一下。
然後呀文望住呀柔

我:喂，你地咪呀！





文:咩呀，我都唔係諗緊你諗嘅野

係啦，呢個女仔叫呀欣，呢個我都唔記得，叫宅男啦！

我:哈哈，你好你好，我係呀蕉。

表弟:好綵頭先著番條褲姐，原來有女仔嘅！

健:你地都攰架啦，不如抖下先啦。





我:係囉，唉，本來過嚟平時最多半個鐘，呢家幾個鐘。

表弟:呢到我睇住就得啦，你地訓陣先啦。

佢屋企都幾大，有四間房，我同呀文一間，宅男同呀傑一間，峰同健一間，另外女仔一間，表弟就係沙發到。

以前除左打通機都唔會係朝早訓教，到底訓醒後會唔會變番好呢？唉，短短幾個鐘，發生好多事。

我:文，你頭先點過嚟。

呀文一五一十同我講唒，包括呀權。

我:唉，我唔想再見到有人死。你小心啲。

文:咁我地一陣點算。





我:我都唔知，訓醒先算