（校園）女神不會在band2⋯（處女作）

9月3

清晨8點的街道已經有一段時間無好似今日咁熱鬧同嘈吵過。而我由一個band 2既學生變到band3。

係呀，你無睇錯，亦唔係我將升form3串左做band3。

事實上，我已經係一個19歲既f5囝，俾原本既學校踢走左。

拿拿拿！唔係你諗咁，我唔係個種讀唔成書既mk，同樣唔係個種欺凌同學成身肌肉既學生。





我只係，只係打左個男老師幾拳左右。

啊，印象中自己有幾腳觸碰到老師健碩的啤酒肚，嗯⋯至於原因？

被一個無幾句既同學嘲諷再拳打腳踢，然後我還手自衛（好似係），不過重點唔係到

有打過交既人都會明白，當所謂呀sir過來和解，如果你話自己係自衛的說話，我可以肯定9成既回應都係會話

「你比人打，點解你會即刻搵老師幫手？」





「如果你係街比人打，你會點？」我反問一句。

「緊係報警啦，你有無常識⋯」記得依位呀sir話未完就被我一拳打到擰轉面。

呀Sir都未反應得切，第二拳又接住被吸引至佢臉龐。

「搵老師幫手啦！頭先你唔係咁教我咩？」

「報警啦，做咩唔報警呀？」





我已經想不起自己出過幾次手，只記得眼前一個大男人被打至狼狽不堪，鼻與口之間被一片鮮紅染得似是一個沒抹嘴的小孩，而額頭滿佈青筋以及緊握的雙手偏偏卻忍住出手的衝動。

身邊的同學一一吶喊助威又或者尖叫嚇壞，就係缺少會出黎阻止既好人，依個年代仲有邊個傻仔會願意做一份吃力不討好既事，套用佢地一句。

「我雖然係傻，但我並唔蠢。」縱然我到依家都未明白當中既意思，反正智商既不同係無法互相窺探，甚至可能傻個個人先係我。

題，我曾經以為學校係無權決定趕走一個學生既權力，但印象頗為深刻是當日訓導一臉笑容講左一句。

「唔好咁天真啦。」

然後我就真係離開左⋯

咁唔通真係唔讀咩⋯band3就band3啦！

「各位同學，我地今個學期會多個同學，介紹下自己。」





我企起身望住現任既同學，頭髮掂眼既有，化自認為係淡妝既索女又有，毒瘡大到遮眼又有⋯唉

「我叫子誠，今年19未婚，因為濕左個老師一獲，所以轉左過黎，希望大家好好關照啦。」

班房一片寂靜，片刻，爆發起一陣掌聲同尖叫聲。

「wow，偶像！」

「男神！」

「誠哥！試下濕我哋miss睇睇！」

⋯