《蒲英的約定》: 第二章──回憶(一)

而家係下午四點，我已經登機，我坐嘅位置係頭等艙嘅窗口位。諗返起話咁快就過咗韓國四年，即係都已經四年冇坐過飛機，真係好想講一句홍콩은 내가 당신을 그리워。

「沙沙沙沙」窗外面正落緊毛毛雨，而我就戴住耳機聽住不能說的秘密並係不知不覺間瞓着咗。
……………………………………………………………………………
「哇哇哇哇」「咦媽咪，張啊姨生咗個bb女好可愛呀，佢姓名係咩啊？」「佢叫張詠英啊，你大過佢四年，所以除咗要照顧細佬之外都要好好照顧佢，知唔知道？」「知道媽咪。我以後就係大哥哥，我會好好照顧你架啦。」張詠英彷彿聽見我講嘅嘢而停止咗哭並用佢小小嘅手掌將我尾指握緊。

突然時間地點一轉，我返到小學四年班嘅時候。「今日係一年一度嘅開學旅行，請各位家長記得同自己嘅子女揾合適嘅樹葉做旅行勞作，我地會係下午四點半係呢度集合，大家玩得開心啲，解散。」「媽咪爹哋，你地今日特登返黎香港同我地黎開學旅行架？」我滿帶童稚地問。「係呀，因為你學校規定咗開學旅行一定要有父母陪同嘛，政蒲。」媽答。「哦。媽咪咁勞作就靠你地啦，你地同細佬幫我揾埋樹葉啦，我自己周圍行下先。」跟住媽露出不滿嘅樣同我講：「咁你都要問下政力介唔介意，先得。」咁我就即刻搭住細佬膊頭講：「細佬，我諗你實唔介意嘅，係咪？」「唔，不過你要請返我食haagen-dazs。」「冇問題，不過請你一次，我要有三個願望，deal?」「deal。」「咁計埋呢個我仲有兩個願望，遲啲先決定要你做啲咩啦，哈哈。咁我去玩先啦。」「小心啲啊仔。」老豆最後都不忘苦口婆心咁講。

而當我行行下嘅時候係厠所個邊發現咗張啊姨所以即刻跑上前同佢打一聲招呼：「張啊姨姨，早晨。」「咦，係政蒲呀，早晨啊。今日同你地唔係同一架旅遊巴，所以揾唔到你地。係啦點解得你自己一個嘅，你父母係邊啊？」「佢地係山頂個涼亭到啊，一陣12點會開始野餐。張啊姨，你可以去揾佢地先，我行一陣就會返去一齊食午餐架啦。」「哦咁好啦，我去埋厠所就會去揾佢地，咁你自己一個小心啲啦。係啦詠英佢係前面個草地等緊我，你幫我帶埋佢一齊黎啦。」「ok冇問題，前面個草地嘛。放心交俾我啦。我行先啦。」





講完之後我就用60米嘅速度跑去個草地揾詠英。不過我望極都望唔到佢，正當我諗住去附近揾下嘅時候，我發現佢係係草地下面個小涼亭 。咁因為距離得50米，咁我就連跑帶跳咁去個個小涼亭。當距離得20米嘅時候，我突然想嚇下詠英，所以就由連跑帶跳變做蹲低行。而當距離得5米嘅時候，我先發現原來重有三個男仔係度。

「咦，無爸爸嘅日子好慘架喎，泳鷹。嘻，嘻嘻嘻。」一個似小夫身形嘅男仔講。跟住另外一個似胖虎身形嘅男仔亦都講：「嘻嘻嘻嘻，不如你叫我爸爸之後跟我返屋企啦。」「嘻嘻嘻嘻嘻。」最後一個似大雄身形嘅人亦跟住笑。然之後，佢地就繼續向前行並將詠英越迫越後。

咁我就因爲睇唔過眼所以沖咗出去推開佢地。小夫同大雄都因為俾我突然一推而跌咗落地，而胖虎則依然絲毫無損咁企係度。不過雖然胖虎咩事都冇但都俾我突然嘅出現而嚇到退後咗一步。之後佢地就怒睥我。胖虎就虛張聲勢咁話：「你係邊個？我一定會話俾老師聽你推我地。」之後我答：「我叫李政蒲，唔好記錯我個名。」

「吓，你咪係我地學校好勁好出名個個跆拳隊長李政蒲……」佢地三個異口同聲咁講。「係啊，就係我啦，你地驚唔驚呀，哈哈。」俾人一讚就即刻顯露咗我嘅自大心。「呀媽媽呀，快啲走啦。」佢地聽到之後即刻嚇到見牙唔見眼咁叫。「喂，你地咪走住。」我大聲一喝。「咩，咩咩，咩事，事啊，師兄？」佢地又再次因為我而嚇到口窒窒。

「我想同你地講四樣嘢。第一，佢係叫詠英唔係泳鷹。第二，佢唔係無爹哋，因為我見過佢爹哋。第三，佢係唔會叫你地呢班壞仔做爹哋，不過你地下次見到佢都要見姐姐。第四，記住我李政蒲，唔好再揾詠英麻煩。仲唔快啲走！」「知知道，師兄兄。」說畢，佢地三個就急急腳走咗。佢地走嘅時候，我重聽到似胖虎個個講：「點解佢連我個名叫懷仔都知嘅，唔通佢重識讀心術…」





「詠英。」「政哥哥。」佢突然撲向我。「你無事嘛？詠英。」「嗚嗚，政哥哥，點解佢地會話我冇爸爸嘅，嗚嗚，你真係見過我爸爸架？嗚嗚，佢個樣係點架？」「乖，唔好哭啦，我諗佢地應該係今日見唔到你爸爸先亂講嘢架啫。同埋你點會冇爸爸呢。我係你出世嘅時候見過你爸爸架，佢高過同白白過我爹哋少少架。不過我就唔係好記得佢個樣啦。所以唔好哭啦，再哭就唔靚女架啦。」「唔。」「咁好啦，唔哭就乖啦。你去厠所洗臉先，之後我地一齊返去食嘢。」「唔。」
……………………………………………………………………………
「唔，先生先生。提提你手機就快係衫袋跌出黎啦。同埋而家開始會有點餐服務，請問你需要啲咩？」一位樣貌似曾相識嘅空姐問。「哦，唔該。我想要份牛扒同埋一杯熱咖啡少甜。係啦我地係咪見過？」