[我好正常]我老母單手的咗我入精神病院: 七

　　原本阿叔都係用緊一種好平淡、儼如世外高人嘅Tone嚟講說話，忽然輪到佢企起身，眼神明顯比剛才憤怒一百倍，仲用一種好驚訝嘅表情望實我話：「Billy！你殺我全家，我要幫我隻狗報仇！」 

　　說時遲，那時快，我都未Load到我係Billy而且仲殺咗阿叔全家而佢全家只係得一隻狗呢件事，阿叔已經一個欺身來到我身前，兩手一叉，不偏不倚，啱啱好就叉撚實我條頸，再叉，叉柒埋我落牆！屌，鷹爪功？ 

　　事情實在發展得太快，我一時之間畀唔到任何反應，淨係諗起當年中一揸住本龍虎豹係床上打我人生中第一次J東窗事發畀我老母撞門發現，嗰時嘅我就好似而家咁，真係乜嘢反應都畀唔到…… 

　　講起老母，我老母居然坐係度毫無行動，我再望真啲，佢擘大個口得個窿，佢原來已經畀阿叔拋窒咗，完全失卻哂佢當年用雞毛掃Fit鳩我睇鹹書打J由下晏Fit撚到夜晚食飯嘅凶殘戰意。 

　　「阿……叔你做……做……乜撚……嘢……」個叉字都未講到出口，阿叔嘅手勁已經又加強咗起碼兩倍以上。 





　　屌，我仲一直諗自己會幾時死，唔通就係今日，係呢個濕鳩精神科畀呢個寂寂無名嘅濕鳩禿頭阿叔叉撚死？ 

　　正當我已經擘唔開雙眼，以為自己會死嘅時候，隔離道醫生門好似開咗，傳入耳中嘅係一把清澈如鈴嘅女聲：「黃金發！你係度做咩？快啲放開佢！」 

　　我感覺到阿叔嘅手勁越漸減退，我終於有喘息嘅機會，到最後，阿叔嗰對鷹爪經已完全無力地垂下。 

　　「黃金發，你係咪唔乖？你唔乖就要入返去病房架喇！乖乖地坐返低知唔知？就到你架喇，等多我一陣啦。」 

　　只見阿叔真係成隻死狗咁坐返低，我雖然想乘勝追擊狠狠咁屌柒佢，但我更想知道嗰個有把咁靚聲嘅醫生係生成咩樣，我正想回頭一望，點料到道醫生門又已經沉沉地關上…… 





　　我唔知點樣形容我當刻嘅感受，如果真係要我夾硬地嘗試去形容一下，或者……楊過同小龍女分開十六年始終緣慳一面，就好似我而家嘅心情一樣？ 

　　屌，到底一間我係咪見嗰個女醫生呢？仆街，雖然咁大個人，但聽到醫生把聲，居然令我回到那些年，嗰種患得患失、若即若離，初戀的感覺……