[多甜+少少陰謀+啲啲感情]《你有冇諗過，你用緊嗰間試身室其實係一間炮房》: 031

31.
你繼續自己嘅毀世計劃，要消滅整個世界，最簡單嘅方法就用核武，透過滅世機器，其實你早就掌握全球核武發射權，只要你將所有核彈一齊射出，人類將會面對足以滅絕嘅災難。

你係屋企張開大腿，飲緊紅酒，享受緊阿May幫你口交。

你內心仍然好糾結係Sara身上，到底你應唔應該怪佢唔比你殺個BB？你自己都有到處留情，就好似眼前嘅阿May，都已經有咗你三個月BB，咁你又有乜資格去怪Sara？

不過，你始終覺得自己唔可以接受個BB。

你揸咗部跑車落咗老蘭，你想買醉，想透過醉去麻醉自己。



你心魔越黎越強大，將你拖落去萬劫深淵入面。

「依個世界唔應該存在。」

「所有人都死曬就唔駛煩。」

「點解……點解我唔可以時光倒流？」

你飲到個人醉曬，訓係馬路邊自言自語。



在這個瞬間，你終於想通咗，你之所以會感到痛苦是因為你仍然生存，只要你死咗，就唔會再痛苦。

係死亡之前，你決定要完成最後嘅心願，就是殺死店長個仔。

你已經用咗毀世機器一段時間，一啲隱藏功能你都已經開始掌握，就例如搵人。只要滅世機器連接到全球監控儀器，就可以輕易追蹤到目標人物。

翌日，你用搵人功能搵到Sara同佢個仔，你揸車去搵佢哋。

你用萬能匙打開佢間屋道門。



「邊個！？」Sara大叫。

「係我。」

「係你……點解？」

你拎咗一把刀出黎，慢慢行入去BB房。

「你做乜啊你！？」Sara捉住你隻手。

你嘗試推走Sara，不過比Sara順勢一拉，你竟然比佢好似沙包咁撻咗出去。

「好痛……你竟然！！」



「你唔可以傷害佢！」Sara抱起BB。

「點解……點解到依一刻你都仲要保護佢，點解？點解？我真係比唔上佢？比唔上依個孽種！？」

Sara雙眼通紅，「唔係……只係佢係無辜，佢都有生存嘅資格。」

「生存……比佢生存落去做店長第二代？比佢繼續去害人？繼續去搞人老婆？」

你越講越嬲，係衫袋拎咗把手槍出黎。

「你咁想保護佢，就同埋個BB一齊去死！！」

你對準個BB開槍，不過你槍法實在太差，子彈就連毛都掂唔到。

Sara嚇到掹大個口，「你……你真係開槍？」



「走啊！！你同我走啊！！！」Sara一手抱住BB，一手拉你出去。

「嘭！」佢嘭埋大門。

你收埋把槍，好似行屍走肉咁行返屋企。

「返黎啦你？」阿May撐住條腰行埋你度。

你錫咗佢一啖，去沖個涼。

你不斷反問自己到底係度做緊咩，到底發生咗乜嘢事，如果啱啱個槍射中咗，你就親手殺死咗Sara，親手殺死咗你老婆。

「我唔可以咁做……」



你個內心好痛苦，你唔知點先可以解除依個心結。

你依家完全無辦法可以安睡，唯一可以依靠嘅就係酒精。