[多甜+少少陰謀+啲啲感情]《你有冇諗過，你用緊嗰間試身室其實係一間炮房》: 022

22.
你返到屋企，見到Sara佢係度喊緊。

「Sara？發生乜嘢事啊？」

Sara捉住你膊頭，「我哋走，我哋離開香港啊。」

「發生乜嘢事啊？」

「店長佢搵到我哋啦，佢後先打電話黎，話會搵人砍死你，我好驚啊……」



你個心就好似比火燒咁，「又係店長依個仆街……」

「Sara你唔駛驚，你係屋企鎖好門窗，等我返黎。」

「你去邊啊？」

「我去搵一個朋友，佢可以幫到我哋。」

「唔好走啊！」



你攬住佢錫咗一啖，「唔駛驚，我好快返黎。」

你去咗搵Cindy。

「我今日就要殺死店長。」

「你真係要咁做？」

「係。」



「好，咁我搵人送枝毒針黎。」

「毒針？」

「無錯，只要你搵到機會拮佢一針，佢就會心臟病發死，無人會知道係謀殺。」

「好，就用毒針。」

一個鐘之後，你拎到枝毒針。

你戴住帽同埋口罩，返番去嗰間你做咗好耐嘅時裝店扮睇衫，你係度足足等咗半粒鐘先搵到機會走入去店長間房度匿埋。

入到去間房，你就靜雞雞咁行埋去店長張檯下面。



等咗陣，店長終於返黎。

你手上面嘅毒針已經準備好，你已經立下決心要整死佢。

「呵欠……要諗諗計搵返Sara返黎。」

你聽到店長一步、一步咁行緊埋黎，當佢走近張檯嘅時候你就飛身出去，一手捉住佢條頸，再將針筒拮落佢個肚度。

你用手撳實佢個嘴，唔比佢叫救命。

「唔！！唔唔唔！！！」

突然佢全身抽搐，訓咗係地下度。你好敏捷咁離開店長房，離開依間舖。

「殺咗佢……我終於殺咗佢啦。」你一路行，一路講。



你咁大個仔，最勁個次都只係殺咗一隻曱甴，或者因為今次用針殺人見唔到血，而且你又無留係嗰度見證店長斷氣，所以你感覺唔到真實感，完全唔覺得自己真係殺咗人。

咁啱開始落雨，你無帶到遮，如果比著平時，你會等雨勢細少少先會再行，不過今日你想比雨淋下。

當雨水拍打係你身上面，你就開始真正明白到你殺咗人，你個身開始打冷震，你唔知道到底係雨水太凍，定係你個心太慌。

你成隻落湯雞咁返到屋企，Sara見到你咁，即刻拎咗條大毛巾比你，仲叫你除曬衫入去沖個熱水涼先。

當啲熱水沖刷你個身體嘅時候，你先開始識得驚，殺人帶比你嘅壓力令你忍唔住嘔咗出黎，你攬住個馬桶起勢咁嘔。

「有冇事啊？」Sara係門外問。

「冇……冇事。」你回答。



你發覺對手係咁震，完全控制唔到。

「你無事啊嘛？」Sara扶住你問。

你笑住講：「無事，可能比啲雨搞到凍親啫。」

「我帶你去睇醫生。」

「唔駛，食幾粒藥就好嫁啦。」

「唔得！我要帶你去睇！」

你無辦法說服Sara，唯有跟住佢落去睇醫生。

診所。



「你無咩嘢，開啲藥比你，飲多啲水，休息多啲，會好快好返嫁啦。」

「係嘅醫生。」你戴住口罩講。