[多甜+少少陰謀+啲啲感情]《你有冇諗過，你用緊嗰間試身室其實係一間炮房》: 018

18.
成功內射事業女之後，你就粒聲唔出準備離開，點知佢拉住你隻手。

「我哋……第日仲可唔可以再Happy過？」

你無答佢，你嘅身體同你講「可以」，但係你腦海入面就出現咗Sara嘅樣，佢依一刻仲係乜都唔知咁係屋企等緊你「放工」返去。

「唔可以……」

你埋沒本心咁講完依三個字，就離開咗試身室，同Cindy一齊走。



車上。

Cindy笑住咁講：「唔錯，順利完成，再有任務我會通知你。」

「嗯。」

你返到去屋企，Sara已經煮好曬飯等你返黎。

「返黎拿？去沖個涼先啊，沖完涼就食得嫁啦。」



「好。」

你好望住佢依個賢良淑德嘅樣，心入面覺得好甜、好溫馨。

＊＊＊＊＊＊＊＊＊
香港，某大廈，某會議室。

「佢的確成功又消滅咗一個滅世基因。」



「無錯……雖然唔知點解，但係計劃好明顯係成功。」

「只要佢繼續努力，不出三年就可以將所有女攜帶者剔除於名單之上。」

「係。」

一個著住實驗袍、戴住眼鏡，滿頭髮油嘅貧乳女仔出聲，「依一個男仔好有趣，我想接觸佢。」

「陳小姐，咁樣會唔會唔係太好，話曬你都係節能集團嘅人。」

陳小姐面帶微笑，企起身，「正正因為我係節能集團嘅人，所以我要了解下佢到底用咗乜嘢方法去消滅『滅世基因』。」

陳小姐離開會議檯，向住大門方向走去，「只要我知道原理，就可以製造疫苗。」

＊＊＊＊＊＊＊＊＊＊＊＊＊＊＊＊＊＊＊


你每一日都要落去圖書館扮返工，如果唔係你都唔知點解釋你啲錢係邊度得黎。

去到圖書館，你去到電腦室嗰度借咗部電腦上網。

你嘗試係瀏覽器上面輸入滅世基因、新世界等等關鍵字，不過都係搵唔到有用嘅資料。

圖書館係一個好神秘嘅世界，係地球上最大嘅精神病院，你可以係度見到好多精神病人，例如有人會不停咁用手拍打個鍵盤，再嫌其他人呼吸聲嘈親佢、又有人會唔識打字，叫職員全程幫佢打字、仲有唔少自言自語，甚至乎會自己車自己一巴嘅痴線佬。

係圖書館入面逗留得越耐，你就覺得自己同精神病世界越黎越近，或者再留耐少少，你就會成為佢哋一分子。

你企起身離開電腦室，對於精神病世界，你完全沒有興趣。

就係你經過圖書館櫃嘅時候，比你見到阿May。

阿May望住你，你又望住佢，大家粒聲唔出。



你呼咗一啖氣，行埋佢度，你覺得自己搞大人個肚，點都應該問候下人。

「阿May，你無咩嘢啊嘛？」

「無嘢？你試下自己一個人去落仔未知道有冇嘢囉。」

你見到佢對眼開始紅，你個心覺得有少少拿住拿住。

你掂一掂佢隻手，佢就一嘢拍落你度，「唔好掂我，唔好阻住我返工。」

你嘆咗一口氣，苦笑道別。

你離開圖書館，突然有幾個人向住你走過黎，佢哋用迅雷不及掩耳嘅速度整暈咗你。



……

你感覺到背脊凍冰冰咁，你掹大眼，發現自己比個手術燈照住。