[多甜+少少陰謀+啲啲感情]《你有冇諗過，你用緊嗰間試身室其實係一間炮房》: 013

13.
你同Sara訓係床上面，Sara佢喊完一輪之後就訓著咗，你無乘人之危去搞佢，依家係你心入面就只有一股濃厚嘅殺意。

「卟通、卟通……」

越諗你就越嬲，越嬲個心就跳得越快。

「要殺咗佢。」

「一定要殺咗佢。」



「無錯，唔可以比佢生存。」

你腦海入面有好多把聲音，係咁叫你殺咗店長，你好認同佢哋嘅講法。

「殺人……我要點做先殺到佢？」

「好易啫，用毒。」

「計劃一場意外車死佢。」



「買兇殺人。」

一個又一個計劃係你腦海入面出現。

諗下諗下，你就訓著咗。

第二朝，你發覺Sara已經去咗返工。

你深深咁呼咗一口氣，眼角開始有淚水流出。



你的確係諗到好多辦法去殺死店長，只不過你根本就無勇氣去執行，你只可以睇住你女朋友活係店長魔掌之下，永遠都唔可以翻身。

你開著部電腦，係Google入面搜尋如何殺人、完美殺人、毒殺等等關鍵字，但係未搵到一個可行嘅方法，再者，就算比你搵到，你都唔夠膽實行。

殺唔殺人都好，都要食嘢，所以你決定搵返份工先。

你去咗附近幾間商場度應徵做Sales，係依一個流動性咁強嘅行業，你好快就獲聘。

你定下咗一個目標，就係盡快儲夠錢去買兇殺店長。

「叮噹。」門鐘響起。

你打開道門，見到Cindy企係出面。



「係你？點解？」

「點解我知你係度？對組織黎講無嘢係無可能。」

Cindy自己走入你屋企，坐咗係梳化度。

「我係黎同你做交易。」

你刪埋大門，「咩嘢交易。」

「我會定期比名單你，你幫我去強姦名單上面嘅人。」

「痴鳩線，」你打開大門，「好行夾唔送。」

「對唔住，依個交易唔到你決定接定係唔接。」Cindy拎住枝槍指住你。



你嚇到個心離一離，雙手舉起，滿頭大汗。

「你聽清楚，我哋要殺你係輕而易舉嘅事，你唔好再咁多嘢講。」

你吞一吞口水，堅定咁講：「要我幫你唔係唔得，不過你要話我知點解要咁樣做！」

「你真係要知？」

「係。」

「知道咗就唔可以返轉頭。」

「無問題。」



你知道你要殺店長就一定要借勢，你決定借「組織」嘅勢，去幫你完成依個目標。Cindy越係講得嚴重，就越係代表當你知道真相之後，佢就會逼你加入佢哋嘅組織。

「既然係咁我就同你講。」

Cindy所隸屬嘅組織名為「新世界」，全名係「新人類統治世界同盟」，係幾十年前，新世界嘅五位創立成員係偶然嘅機會下得到一部預言機器，依一部機器外形就好似依家嘅平板電腦，不過佢唔需要入電，亦都唔需要使用任何能量都可以運作。係機器嘅螢幕上面，會顯示出一啲隨機數據，而有關數據就係「未來」嘅訊息。

新世界透過得到嘅部份情報，係股票同埋投資市場得到大量資金，資金足以控制一個國家，當佢哋諗住繼續發展嘅時候，大約係十年前，預言機器一反常態，出現咗一組好完整嘅預言，係關於「滅世」嘅預言。