成為魔王的那些日子 (廣東話版): 第013回：傳送

「喵？」 我同阿心不期然咁喵番隻小貓人。 佢好緊張轆埋地沙咁舞手舞脚係咁喵。｢啊， 你肚餓呀？｣阿心講完，係附近d 儲備皮袋拎左粒生果比隻貓仔。 但佢仲係咁喵！ 旦有說話未曾講咁嘅樣。



「Ok, 阿心。 我地出去睇下咩事啦。你帶路。」我無奈咁行左出去。 天， 喵乜叉嘢呀？揾人叫救命都揾個識講嘢嘅好嘛？ 當然， 我唯有帶埋昨天大黄貓比我把劍出去啦。點知外面咩料架？



行左無耐。 終於有個識講嘢嘅小哥林布，立行架生 ----- 木盾及小棍的跑來報告了。 「聖賢，完啦！完啦！聖賢！」







「你就完！ 外面咩事呀？」



「有....有...有敵人呀！ 有好大的敵人！」小哥林布指手畫腳的比劃著外面來了個大傢伙。 我心死了。 天， 甚麼手下了？一群....我帶著微笑，保持冷靜咁問：｢哦？有幾多敵人咁呀？又有幾大呀又？｣我都費事搞太多， 又指了指阿心問：｢有佢咁大隻？｣。 最抵死係阿心佢同時擺左個大隻佬谷肌肉post







小哥林布好比找到了知音，爽快的回答我：｢阿心大人比敵人們大！安全了！｣



我沒好氣的再問：｢咁有幾多敵人丫？ 又係邊個位？｣



「多呀！比我們都要多！ 都在地下城門口」







「妖！阿心！帶路，出去睇下咩事！」我決定之後要好好教育眾人說話的技巧。 我哋地下城點解都未發展就要滅亡了咁款？


同一時間， 阿心捉住咗我隻手， 極度臭寸咁同我講：｢你吾係想行過去吓？蚊訓啦！｣


「計將安出？」我不期然咁問， 但都大概估到咩料。 離吾開都係放下魔法架渣。 作者呢條友都無更好嘅處理方法啦吓話？



果然， 阿心大叫一聲：｢傳送。｣嘅同時， 我地已經被傳送到一片森林， 面向一巨大岩壁的大森林。 吾駛問，呢個岩壁上果個超巨大山洞就係地下城入口。 而最頂阿心吾順嘅係:你傳送還傳送丫。 你點l 解要傳送自己同我去敵陣中心呢？







你傻架？



定一定神之際， 除咗發現個場景變咗森林， 一股青新空氣悠然入口之外。 伴隨而來嘅就係一堆嘈音。 喵喵聲。 一群被奴役的小貓人就在眼前！ 佢哋就係大黄貓嘅族人？！ 大多數人被綁而來。 仲有一群兇神惡煞嘅綠色怪物扣押住。 照我睇佢地就係一群大隻版哥林布。 不過手上兵器齊全好多果隻！ 而在山洞附近， 出道上則是大黄貓等人在遠遠對峙著。



啦， 你哋咁吾和平理性， 即係焗我暴力抗爭架渣。 雖然， 你...有成廿個手下， 我呢邊得兩丁友！ 其他人？我吾敢計入戰力内囉。


而其中，最大果隻， 比我高兩個頭﹑頭有羽飾的肥壯哥林布率先回神迎了過來。啊! 聖賢降臨現世後第一次對外的外交接觸嗎？







「你！受死！」



嘩， 你咁茅柴架。 都未吹雞就扭波... 一手一刀的揮過來？！




第013回完