愛．限期（真人真事）－續集: <<第十五集>>

2014年6月4日 星期三

今日Miki提出一個好奇怪既約會地點：健身室。其實我好鍾意做運動既女仔，而且我一直都希望女朋友會同我一齊做大家都鍾意做既事。佢竟然會提出去健身室！我意外既表情夾雜住少少既喜悅，原因係因為，我覺得就算佢唔係我要既嗰個完美女人，我好愛佢。有時人生可能就真係咁矛盾，好愛既女人，又未必有將來。

今朝我地都照舊，我去佢屋企然後一齊搭巴士送佢返工，然後我再返自己公司。依個咁甜蜜既行為已經得返9日可以做，因為，佢男朋友就來要返香港啦...我好難掩蓋我傷感既心情，而佢都感覺到。我直接咁同佢講...我諗我會唔捨得佢，佢同我既心情都一樣...睇黎我地兩個都返唔到轉頭啦...

Miki同我plan左今個星期五晚喺我屋企訓一晚，再同我玩埋星期六先返屋企。佢話佢未試過去男仔屋企訓，今次係第一次。我好期待星期五，因為我都好想同佢相處下。成日都有人話相見好同住難，今次就係一個好好既機會俾大家見下大家既真面目。

放左工，我地食左少少野就返左佢屋企樓下間體育館。我會先做負重運動先，而佢主要係做帶氧運動。每組負重運動中間既休息時間，我都會行一行過去Miki度，佢就會同我錫一啖。救命呀！點解要俾我遇到依個女仔？點解要俾我遇到依個有男朋友既女仔？不過，理性提醒我...我係俾唔到幸福佢嫁...佢好鍾意小朋友...但我唔想要...而佢依家個個就可以。所以，13日後，我都必需離場。





最後倒數13日。