愛．限期（真人真事）－續集: <<第六集>>

2014年5月17日 星期六 （凌晨）

LKF係鬼地方！我以後都唔會再去！痴L線！我淨係見到班飢渴男見女就衝埋去！音樂又大聲，我到依家星期六晚都仲有耳鳴！

就咁既，首先去到嗰間club，一開始唔算太多人，但都唔覺有女出現添，通常都係一班一班既人，圍內自己玩咁，到左12點有隊Band出現，上枱唱歌，鍾意音樂既我就開始興奮啦，但點知佢唔係所有instruments 都係live，所以興趣即刻減底左好多。隊band表演完之後，DJ出返來打碟，男男女女繼續跳舞，我開始覺得好多人，而且...點解全部都係男人？

過左一陣，峰爺話轉場，我地去左另一間club，依間既燈光黑過頭先嗰間好多，一入去就見到一男一女咀得火熱，雙手已經做緊兒童不宜既動作。
我地飲完杯酒，就走入個舞池，男人依然係咁多，女人非常非常少。如事者轉左幾次場，我發覺，每當有女人出現，就會有一個男人圈係女人既外面形成，依個圈既形成時間係5秒內，而我，就企左係一個男人圈既中間，因為我喺幾個男人圈外面既空位，我四面八方都係男人既背脊同屁股。
當我好好彩咁企到係女人既身邊，但我因為企得唔夠近，同女人中間有半個人既距離，男人圈就會係我既前面形成，我又變成圈外人。





到左四點，我仲係未掂過一個女仔...峰爺要睇住我，而東哥喺兩點既時候已經同個女仔走左...
不過四點幾既時候，人開始少，峰爺突然拉左我過去，形成一個男人牆，竟然維持到2分鐘既時間都未有其他男人出現！而我因為怕羞既關係，依兩分鐘乜都無做過。
我前面係一個幾可愛既女仔，著住黑色背心黑色裙，著得唔性感，睇落去會想問佢中學畢業未！仲要無化妝就落來夜場！點睇都唔似成日落來LKF玩既女仔。雖然嗰場好暗，但無夜盲症既我都仲睇得到佢個樣，佢高度到我鼻頭左右，

再過左半分鐘左右既時間，就開始有男人係佢後面跳舞，企喺依個女仔右手邊跳緊舞既我，怕最後一個機會都錯失，鼓起勇氣係佢右邊耳仔講左一聲「哈囉」。然後我地開始傾計，慢慢我攬住佢條腰，因為音樂太大聲，我地一定要係耳邊好近咁傾計。而開始攬腰之後，佢身邊既男人就散去，而峰爺見我終於有女攬，都走左，叫我記得要有風度，送個女仔返屋企。

同依個女仔傾計傾左好耐，傾到間club話要收鋪。依個女仔笑點奇低，我講d好無聊既野佢就已經係咁笑，笑得好開心，佢話佢係第二次來LKF玩，今次係應承左陪朋友來，當係送俾佢朋友既生日禮物。所以佢點睇都唔似浦開既女仔，好清純可愛，天啊，點解咁似電視劇既劇情咁既？不過，人生就已經係一場戲，每人每日都釋演緊自己既角色，演繹緊自己既劇本。
出左club我先發覺唔記得問佢叫咩名，佢叫Miki Au，交換左電話之後，我諗住送佢返屋企，不過佢唔肯，我唯有送佢去到的士站，佢上左車我就自己返屋企訓教。

回程既時候我有whatsapp佢，傾多左一陣，佢就返到屋企沖涼訓教。而我，對依個女仔都幾有好感。可能太耐無女仔聽我講野，太耐無女仔聽完我講野會笑得咁開心，太耐無女仔肯同我傾計傾咁耐。