愛．限期（真人真事）－續集: <<第一集>>

2014年5月2日 星期五

勞動節翌日，唔知係咪食得太多野，又胃痛。最近胃痛又開始密左，依排1個月就痛一次。點解胃病要有得遺傳？又唔係痛完會有錢收...雖然我賺左一日sick leave，但今日好唔開心。

我同我女朋友已經得返報到電話，今日，我起身同佢講我病左，請sick leave，佢竟然臨訓先至打今日第一個電話俾我...「我訓啦，早抖」...佢今日唯一同我講過既野就係依一句。
我愛我女朋友，但點解會咁？七年之癢係真有其事？但我頂唔順啦...我唔想再咁落去...其實我應該都知點解會發展到依家咁既...我中意講野，但我講既野佢都冇興趣，你無興趣聽我當然feel到，我自然唔想再講，佢講既野我都冇興趣聽...因為我同佢根本就冇共同興趣...
五年半既感情...我其實係咪應該忍心終止左佢？
明明本身諗住同佢結婚...但岩岩先發覺無共同興趣原來咁大問題...

今日，無人關心，睇公司醫生排隊要排成個朝頭早...食完藥訓左成個下晝...夜晚留係屋企食粥，收完我女朋友話訓既電話之後，又再訓過。