【英雄不聯盟】：最強集結: 異界殲滅者：怒魔傳說（中）
異界殲滅者：怒魔傳說 （中）
入左地球 地球死氣沉沉 一片荒蕪
「鳴」
狼既咆哮聲發出
所有動物都立即遠離 一大群土狼洶湧而至 跟住再次大叫
草原啲草叢風吹草動 啲土狼一個不小心咁噗埋去 原來係老虎同豹
土狼示意同伴向後退 之後 呢隻土狼同老虎單打獨鬥 土狼首先撲向隻老虎
老虎見狀 反應好快咁揮動爪子 爪向土狼
土狼不及閃避 就中左老虎個爪
呢個時間 土狼隻眼有靈性咁 入左魔 眼睛本來係黑色 已經直頭紅色 非常之得人驚
「吼」
再一次撲向老虎 老虎見狀 又再使出爪擊 俾土狼反擊 老虎隻腳就俾土狼爪傷左
土狼發出勝利既咆哮
但係老虎都未打算認輸 諗住後襲 但土狼鼻子靈敏 立即閃開老虎既攻擊 再爪向佢既右腳 佢前腳無法移動 勢力大大減退 老虎見到自己無可能贏 就唯唯諾諾離開左
…………
「呢度係一片死城」
隼見到周圍 一片荒野
「呢度係咩地方啊……」捷克問
隼：「死城 地球」
暗戰：「話咁快就見到一隻怪獸喇」
一隻惡狠狠的飛龍 從天空劃過 隻飛龍飛過佢地 無打算停低 好似唔打算攻擊佢地
博士拎係手上行李箱 入面有部電腦 佢將啲資料摷出黎
「查到啲咩？」捷克問
「地球啲魔物同我地唔同 地球個啲唔會亂咁攻擊大類 相反 我地異界 啲怪獸就兇殘惡殺」
「嗯 咁樣既話 啲人要搵山威博士都易啲」暗戰道
佢地相討左往南面一直行 因為呢度係山峰 佢地落到去 已經好攰
「又話係一片死城既 山下面有咁多屋 仲有咁多人住」隼叫道
「上面係山峰 點解睇到一茫無際 一個平地 簡直就係一個廢城」博士指左上面
「無錯 我都覺得上面有啲唔尋常」暗護都同意博士講既野
「我地去食啲野先 好嘛？ 已家真係好鬼死肚餓」隼個肚咕嚕咕嚕著
落到去一個村莊 裡面有一間好細間樸素既酒吧
不過裡面都幾寬敞
「歡迎光臨」
調酒師係櫃檯度調緊酒 見到我地打聲招呼
隼：「我地有無錢埋呢餐架」
隼佢地一定無錢 因為佢地唔係地球人 反而異域博士曾經住過地球 所以錢唔成問題
「我曾經住過地球 錢方面唔成問題 今餐就我請啦」博士道
「咁我唔客氣啦」隼彎腰鞠躬
「無啲禮貌 要講多謝」暗戰拍拍隼個頭
「多謝」
佢地坐低左落黎 望左一陣餐牌
「叫個披薩燒雞餐食 好無？」暗戰道
「好呀 就咁話」暗騎同意
櫃檯格籬有一間房 唔大 有個空心既窗口 其實係俾啲人望下入面燒緊雞既情況 係出面聞到都有股好香既雞味
「呢間房係專俾燒雞用既 所以真係幾心機啊」隼已經流哂口水
啲野食送到黎 仲食得好滋味
「我睇見佢地生活都幾自由 無拘無束」暗戰道
唔覺意係後面吧檯聽到調酒師同一個女客人傾計
調酒師：「吖 唔知隻老虎死左未呢？」
女客人：「你係唔係講上個禮拜係平行時空度個隻老虎呀 我諗應該唔半生唔死 都無咩用」
調酒師：「咁又係 老虎咁兇猛 都有動物傷害佢之後就走左 啲傷口仲要係爪到咁既樣 如果動物做就無理由後知後覺 人做梗加無可能 爪黎架嘛 人點會做到 就算係 都滅口啦」
女客人：「嗯 成個禮拜 好似一啲進展都無 已經應該點都有啲野交代下掛 」
講酒師：「啲警察係咁架啦 做野又慢」
女客人：「好得人驚囉」
隼佢地聽得一清二楚 或者只係一單好少既事 其實可能意到不到 大家都不敢鬆懈 不過呢度唔係佢地所講既平行時空 所以佢地表演都幾淡定
但係平行時空係唔係指黑洞墜落地呢？
隼已經探個頭去問：「你地話係平行時空 姐係喺邊？」
女客人：「平行時空都唔知係度 你係唔係呢條村既人架」
隼：「我唔係 所以先問你」
女客人：「白痴」
女客人走後就淨低隼同調酒師
調酒師：「邊有咩平行時空呀 現實 我地係講緊套劇集之嘛」
隼：「咩係劇集？」
調酒師：「你到底係唔係地球人架」
跟住暗戰全部拖住隼走 同時間博士係位度放低左酒錢
「實在太難睇喇 一個女人話你白痴」暗戰道
「我都係想搵啲料啫」隼開始少少發嬲
「算啦 就咁算啦食飽飽就繼續上路」暗護幫忙解困
「好啊」離開左酒館之後
繼續尋找山威博士既工作
跟住就有啲咇哩咇哩既聲音 事後知道係警車 仲有幾個著住制服既人行過黎我地入黎 係巡警黎
頭先個女客人報警話有入侵者
指既係我地
巡警神色凝重 望一望我地：「你地係咩人？」
但係見到異域博士之後 就恭恭敬敬咁下禮：「異域博士 你好 好耐無見你啊」
女客人神情驚訝 ：「博士？」
巡警下禮後再講解：「唔會黎啫 唔好意思 搞到係你地 呢班係你朋友黎 你地可以走喇」
博士：「咁有勞喇」
佢地自己係度不斷講解成件事成見事
「我地而家先知道係地球係咁出名 恭敬恭敬 唔係有博士 我地已經俾人拉走左」
暗戰道
「係咁既 故事長篇大論 容後再講」博士道
「收到」
另一方面 隻土狼爪傷左老虎之後 就回老巢 到左聽日佢又再次出動搵獵物
土狼見到天空有大雀係度飛緊 土狼睇到唔順眼
心裡面又想將佢抓傷 永遠唔會殺死佢 總會留一生命俾佢 半生半死
呢度就係調酒師同女客人請電視劇既現實世界 並非虛擬 只係人類發現唔到
土狼一個助跑 跟住大跳躍跳向隻大雀 正常狼係唔會跳到咁高 半空 離地好高
隻雀無任何防備 就咁命中左隻雀 然後慢慢跌落黎
不過今次係無命了
「吼……」一把狼嚎聲 早上聽到都有啲震抖
「有狼……」卒之博士同殲滅者佢地到左平行時空 聽到狼嚎聲 表現冷靜
佢地亦經過隻死雀度 佢地檢查左後 見到爪傷係隻雀背後面
「又係爪傷 咁真實 唔係拍電視劇喇啩」暗戰望望周圍 唔見到有異常
「啲爪傷……」博士瞪眼望住 「係狼既爪傷 一睇就知」
其他人都驚訝 暗戰出聲：「狼?莫非係狼嚎聲……」
博士有啲異疑惑：「照計狼無可能飛到半空 點都好 我幫佢支針 抽個血」
博士放低個箱 隨手拎出一支針筒出黎 跟住向傷口對上少少抽血 抽血完成後 放番落箱
「啲血係正常 紅色既 同人類一樣」博士道
暗戰：「係 你係唔係攞番去研究」
博士回應：「係呀 咁已經就睇下呢度有無異常」
暗戰：「無問題」
雖然呢度係平行時空 但係一啲花草樹木 無哂咁滯 會有狼群出現 都應該好容易搵到
暗護突然問：「點解呢度叫平行時空?」
博士都搲頭：「呢個問題真係答你唔到 有可能因為呢度無咩花草樹木 同埋塊地係平原既關係 種種因素都有可能」
平行時空好遼闊 行左成個鐘 周圍轉 永無止境
「呢度頭先黎過 我記得好清楚」隼指住一堆草叢
「我相信佢 除左佢記憶力強外 仲有我記得呢度黎過」暗戰道
可想而知 佢地已經蕩失路
兜左唔知幾個草叢 終於發現一個山洞 狼人集居地 成班紅色眼瞪視出黎 有啲毛骨悚然既感覺 一群一群土狼跑出黎
土狼示意其他土狼再次離開
之後土狼衝向暗戰佢地 準槍開始係咁發射散彈槍 但全部俾土狼完全避開哂 土狼情況危險 想有咁快得咁快咁殺死佢地 因為對土狼有威脅
不過土狼閃避一輪 見形勢不妙 已經逃走左 暗戰一直追番佢 但係最後都俾佢走甩
「咁都俾佢走甩」暗戰心中不忿 回到佢地身邊 已經氣勞氣喘
「真唔抵……」暗護都係咁諗
正當傾計之際 之前果隻飛龍咁岩經過 今次隻飛龍直頭停低落黎 企係佢地面前
「飛龍……」
飛龍接住就飛黎去佢地既身邊 明顯係攻擊佢地
「豈有此理」暗戰有啲嬲
而隼唔理會任何野 不斷係咁直射飛龍 無一次中
「唔該唔好亂射 箭支好寶貴架」
準槍喝住佢
「呢場等佢地打啦」捷克叫道「我地過去幫唔到咩手」
暗戰一個上前 手起刀落但唔中飛龍 暗護從後衝上去揮手奮力一拳 但係打中條尾 暗騎嘗試拋盾 但係唔成功
佢地打打下之際 捷克諗到啲野
「隼 我諗到點對付飛龍喇狸 不過要搵你幫手」
「請講」隼義不容辭
「我騎係你箭支到 瞄到飛龍差唔多位我就飛落佢身上 再插盲佢眼」捷克道
「你會好危險 同埋你信得我過?」隼問
「要互相相任隊友 所以我相信你 放心唔會有事」捷克堅決咁做
「無錯」隼預備射箭動作 捷克就騎左上去
「捷克 你想做咩？」暗戰見到問
隼無理會暗戰講既野 盡情咁飛左捷克出去
「一 定 要 跳 到 呀」隼大叫
…………
……
最終捷克跳到飛龍既身上
「捷克……你?」
暗戰嘖嘖稱奇
跟住隻飛龍不斷掙扎 擺脫飛龍 點轉都係徒勞無功 捷克嘗試係飛龍面前插盲佢對眼 一步驚心 捷克夠淡定 好快到佢頭上 即刻使出利刃一爪 插盲左佢對眼
於是捷克便落番黎
「到你喇 準槍」捷克一個指令 準槍拎左支鐳射槍 向住飛龍發射 遠遠咁掉中左佢
飛龍已經訓低左
「都係捷克聰明 不過呢啲危險野下次唔好做喇」隼讚揚捷克
「準槍 唔係唔用鐳射咩?」暗戰問
「我驚其他槍對佢無咩作用……」準槍回應
大家都點點頭
「既然呢度無線索 不如番村食啲野?」隼問
大家都同意呢個提議
「隼 淨係掛住食」 暗護道
「對唔住囉！」
「唔駛客氣……」
佢地再次番到村莊 佢地見到村莊已經七角咁亂 直頭打完仗 所有屋無一倖免 酒館都無左
「點解會咁架 係邊個做架……太過份喇」暗戰想報仇咁既表情
隼:「地下有腳印……」
隼見到地下既腳印 博士見狀 回答:
「係狼既腳印」
「咁肯定？」暗戰有啲疑慮
「百分百肯定……」博士道
突然聽到狼嚎聲 聲源係屋頂 佢地望望屋頂 除左見到狼 仲見到山威博士訓左係度
「博士……佢……」