[驚悚懸疑短文]男人只不過係玩具: 準備

嘿~ 我可以利用身為女兒身既優勢
旅行前兩星期我係課室上老師有趣既課堂期間。
我扮演一個貧血病發既可憐學生係可靠既老師課堂暈低。
嘿~ 我無估錯
老師即刻抱起我然後講左句
「班長幫我睇住班先 我抱佢去醫療室」
嘿~ 我既計劃成功左第一步 我爭取到得我同老師單獨既時光
當我俾老師佢抱左上床之後我順水推舟攬住老師
「唔...唔好走啊」
老師好尷尬咁推開我。




「遙同學 你... 你醒喇」
「嗯...」
「係喎 你做咩無拿拿暈低」
嘿~ 我都估到佢會咁問 男人真係好易捉摸
「我... 減緊肥... 可能...可能貧血掛」
老師聽到我咁講之後好惡咁話我
「減肥? 減到咁 如果有病點算啊 你有無諗過你身邊關心你既人 仲有你依家係發育時期」
佢真係好長氣我真係想睇下佢受折磨既時間係唔係真係咁長氣，不過戲一定要照做。
「我...減肥...只不過係...想吸引老師你注意我...」
老師個樣表現出驚訝但係佢塊面紅哂我已經知道佢中左計。




「對唔住... 遙同學 我係你老師 係道德關係係唔容許」
「老師... 唔好理所謂既道德 其實我一直都好鐘意老師你....」
「遙同學...」
「老師...我係唔係好傻為左一段無結果既愛情我去絕食...」
「遙同學...」
「嗯老師 我真係好傻... 唔緊要喇 我仲會默默咁...」
突然老師攬住我 
「小遙 我願意放低我既道德」
嘿~成功喇 男人永遠都想保護弱小既女人
「嗯 但係我地既關~係~要~保~密~啊」