第366天 - 玩弄與被玩弄, 傷害與被傷害, 從來都是一個循環: Close file……?

那天晚上回去之後, 我實在睡不著。

我說過, 這是最後一次見他, 見完就要忘記他, 忘記這幾個月的一切, 專心跟Owen發展。但我做不到。見他是解決了我個很大的心結, 但現在又有了新的結。 

Jolly, 我的好朋友。 原來她是個這麼恐怖的人, 朋友的定義是什麼? 我突然看不透。HE, 這幾個月來我一直懷恨在心的人。原來我恨錯了, 他根本沒有傷害我, 他也是被Jolly騙了, 以為我背叛他。Owen, 我等了好久, 好不容易才能接觸到的人......

噢對了! 我完全忘了還沒看Owen的訊息。

5 unread messages





Owen: 聽日睇戲我買咗6:45pm (18:42)
Owen: 我地喺旺角等? (18:43) 
Owen: 食飯先? (18:43) 
Owen: you ok? (21:22) 
Owen: sick?  (22:53) 

天啊, 我竟然因為HE完全忘記了明天約了他看電影的事。

兩天前。
 




「Clare, 你睇咗Interstellar未?」
「睇咗啦一早。」
「嗚呀, Noel 咁你呢, 你未睇喇掛……」
「唔, 無興趣呀, 無諗過睇, 呢排又忙……」
「嗚呀! 我好想睇呀! 啱啱喺Facebook 睇到好多人like篇影評, 好似好好睇咁! 好-想-睇-呀……」我飛撲到Noel的床上, 求她陪我去看。
「哎呀, 唔得呀……我真係忙mid term呀呢排。 喂, 其實點解你唔搵Owen同你去睇嘅?」
「痴線咩! 佢覆我message, 會主動搵吓我已經好好喇, 我點敢得吋進尺喎!」
「其實, 你又唔使諗到自己地位咁低嘅, 咪當係朋友咁叫佢陪你睇囉, take it easy!」
「吓, 我當唔到佢做平時啲friend咁…… 我唔敢……」
「一係你比個電話我幫你喇。」Clare從對面床衝過來一手搶走我的電話。




「好呀好呀! 我地幫佢一把啦!」Noel也加入戰團。
「喂哋放過我啦…… 哎呀好喇好喇, 我自己約喇。」
「係咪呀? 快啲搞掂佢呀!」她們倆異口同聲說。

我在書桌前掙扎了良久, 好不容易儲夠了勇氣, 又想到了一個好像會成功的藉口。
 
我: Owen!!! I need some help, can you help me?
Owen: 做咩呀?發生咩事?
我: Are you free at fri night?
Owen: ?? should be free, 你做咩事?
我: 太好喇, 救星!!!!!!! 你睇咗interstellar未? 我好想好想好想睇但搵唔到人陪我睇!!! 個個都話睇咗, 你同我睇得唔得……
Owen: LOL, 我以為做咩事... 未睇呀, 都ok嘅
我: 多謝你呀T^T 我啱啱睇到其他人寫話勁好睇好想睇想睇到想死
Owen: okok... fri night right?
我: yes!!!!!! Thanks 救星大大 :P




Owen: np
 
「Yeah! 佢應承咗!」他答應之後, 我開心得攤在地上翻滾和尖叫。
「都話咖啦! 都話佢ok咖啦!」
「佢直情痴咗線! 快啲影低佢啦!」
「喂哋唔好影啦好樣衰呀!」 我仍舊在地上翻滾中。
「你點問佢咖, 咁快手嘅突然?」
「我……嘻嘻…… 我扮有急事搵佢幫手, 講到好嚴重咁……」
「咁都得! 好奸呀你!」
「約到咪得囉, 嘻嘻!」我滿足地說。
「幾好吖, 聽日見完阿男close file, 後日同Owen睇戲, 呢個planning 幾好呀。」
 
對呀, 我本來見HE 真的是為了close file的。不過, 見完之後, 我不但沒有Close file, 反而更像是開了兩個新file一像。