[中甜走冰][Lesbian師生]胡芷祈,放學你落泥搵我.: Chapter 2

「頂做咩佢會知我全朵嫁？！」我下意識向後望咗望。只見佢攞住我張學生證。
「喂5E胡芷祈，行咁快唔想要學生證呀？」 佢遞咗張學生證比我
「哦......唔該。等陣先，你就係為咗咁跟我跟到返屋企！」
那一刻我心諗條友根本心懷不軌
我係MK，但唔代表我隨便嫁！
「下我住308 我返屋企係要行呢條路，咁岩見到所以你順便比返你炸。」佢對住我笑笑口咁講，大概係恥笑我如此自作多情 ，FF有女人跟蹤返屋企，實情只係住我對面。

柒咗嘅我攞完張卡講句thx就行咗入屋企門口。
「 遲啲再見你啦胡芷祈。」我地相視對望。
再一次認真少少望佢


啡長直嘅頭髮 眼珠黑且亮
柔潤嘅嘴唇 抺上唇彩
的確教人動心 但那又如何。

入到屋企
由於屋企人長期都起大陸做野
我今晚又要自己一個煮營多食

食完營多
我一訓咗係張床到


望住衣櫃上面田馥甄張女神poster
我不禁對住poster嘆息「唉，究竟幾時先可以同到一個我鐘意嘅女仔係埋一齊。」
係 我到宜家都仲係A0
雖然係學校有比過男仔追
但我根本唔鐘意亦無感覺
你叫我主動出擊？
抱歉我冇gaydar
偵察人地唔到係直定攣
我寧願對任何女性只有性幻想而不動真情
點都好過比人hurt又或者自己自作多情。


「咪on9啦胡芷祈。」 我自言自話。

個晚我唔知點解係被竇入面喊咗好耐
我冇打比任何人呻
包括我best friend阿楠
咁軟弱嘅呢一面
我唔想比任何人知比任何人見。

「叮叮叮叮--- 」
我自然地禁熄手機嘅鬧鐘
「都係7:15姐，訓多三分鐘後起身。」我同自己許下一個薄弱嘅承諾。
「胡芷祈小姐 ，七點搭十啦！捨得起身返學未！」岩岩由大陸返泥嘅老母一下扯開我張被 。
我同周公嘅約會亦因此暫告一段落。
「我屌!仲有十分鐘就遲到！」
我求其粒咗條校裙同對皮鞋


再攞住包胃痛藥就衝咗出門口
「胡芷祈！小心啲胃藥食壞你個胃！」阿媽向住門口大叫。
接著，我便頭也不回就開始向學校狂奔。

不多不少八點正，
我壓線衝入校門口
「無驚無險又到八點 。」我得意講咗一句。
我氣喘喘咁行上五樓
不過一諗到一陣都係上淫田嘅商管
我就即刻大安旨意咁hea住行 。

不久， 終於到課室。
我一如以往冇同老師解釋或者打招呼
就徑自行返自己位坐
突然我被一把熟悉嘅聲音哎停


「胡芷祈 你企係到！」