[真人真事+少少甜] 一切,由MSN開始: 第五十五章、藍:新年快樂
「咦!原來你都黎左呀」丁當突然行埋黎真係嚇死我...
![](http://forum5.hkgolden.com/faces/surprise.gif)
「藍琛蕾,我有d野想問你。岩岩我撞到之前同你一齊返樂團果個cherry,佢咩都同我講哂喇...」
死啦!原來果個係Cherry!
![](http://forum5.hkgolden.com/faces/shocking.gif)
![](http://forum5.hkgolden.com/faces/banghead.gif)
佢係咪同丁當講左D唔應該講既野... 如果真係,咁點算好...
![](http://forum5.hkgolden.com/faces/@.gif)
「你明明都鍾意我,點解要拒絕我呀?」
冷靜D呀藍琛蕾。
![](http://forum5.hkgolden.com/faces/bomb.gif)
「哈哈!個時樂團有幾個男仔成日煩住我,無論我點拒絕,佢地都係咁搵我。最後,我唯有話我已經有鍾意既人啦。
![](http://forum5.hkgolden.com/faces/smile.gif)
至於Cherry,佢當然知我咁講係為左應付班男仔啦。但唔知點解,佢成日都話我鍾意你。佢正一傻妹黎嫁,唔通我自己鍾意人,我自己會唔知咩。
![](http://forum5.hkgolden.com/faces/angel.gif)
Sorry呀,丁當,無諗過你會撞到Cherry。」丁當眼神中閃過一下既失落。
「藍藍!原來你係到!咦... hi丁當。」有救啦!大雄終於搵到我。
「我... 我唔阻你地啦。你地去舞池跳下舞啦。
![](http://forum5.hkgolden.com/faces/smile.gif)
大雄連再見都無同丁當講,就拖住我走:「行啦!仲有半個鐘就倒數,無乜時間淨啦。
![](http://forum5.hkgolden.com/faces/kiss.gif)
丁當既一句說話令我成晚都心不在焉,我已經無心情去諗ABC Jasmine同大雄傾左乜、Cherry最近過成點...
有時,真係好懷疑咁樣做係咪正確。白己既自私彷佛變成一把利劍,不停傷害心邊重要既人。
![](http://forum5.hkgolden.com/faces/frown.gif)
但係,事到如今,我仲可以點?
![](http://forum5.hkgolden.com/faces/cry.gif)
唔通我要走去同大雄講:「Sorry!我唔知自己最愛既係咪你...」
如果可以回到過去,我諗我依然會因為一時既感動而同大雄一齊;因為太多既顧慮而拒絕丁當。
因為有D野係真係要經歷過,先至會深深體會到選擇帶黎既後果。
![](http://forum5.hkgolden.com/faces/sosad.gif)
「十!」
「九!」
「八!」
「七!」
「六!」
「五!」
「四!」
「三!」
「二!」
「一!」
「Happy New Year!
![](http://forum5.hkgolden.com/faces/hoho.gif)
「藍藍,有你既新年真係好快樂!我覺得自己好幸福。多謝你容忍左我咁多個月,黎緊你要慢慢忍啦哈哈
![](http://forum5.hkgolden.com/faces/wink.gif)
就係呢下表情,令我更加於心有愧。
![](http://forum5.hkgolden.com/faces/sosad.gif)
「大雄,我都好開心呀。唔知點解我頭好痛,可唔可以番去啦?
![](http://forum5.hkgolden.com/faces/frown.gif)
「唔舒服又唔早D講!?」
「無乜事嫁!可能呢到冷氣太大,我番去沖個熱水涼就ok。
![](http://forum5.hkgolden.com/faces/smile.gif)
「Hey 大雄!我唔記得同你拎個phone number!
![](http://forum5.hkgolden.com/faces/wink.gif)
「6XXX XXXX」
「OH 原來我一早save左你number。
![](http://forum5.hkgolden.com/faces/surprise.gif)
「Sorry!We have to go now. 下次見啦 Jasmine。」大雄好焦急咁打發Jasmine。
Jasmine再睥一睥我,就話:「Okay. Fine. Remember to date me. I am very free now. See you soon.
![](http://forum5.hkgolden.com/faces/biggrin.gif)