[真人真事+少少甜] 一切，由MSN開始: 第三十五章、藍：回到過去

嘴完之後，唔知係咪呢排太忙，都無乜好覺訓，就訓著左。

「藍藍，起身啦。有粥食啦。

」大雄叫我，我先知道佢起左身煲好左粥。

「下... 乜你咁快手既！」一張開眼，見到大雄企係我前面。當然，佢有著到褲，不過果條應該係孖煙通。

我竟然訓左，無好好照顧大雄！如果我地兩個都昏睡，依家應該係火海入面...

「有你係我隔離，我都唔係太訓得著哈哈。

見你訓到咁『林』，咪自己出去睇火。咳咳咳...」

「對唔住呀...

」大雄摸摸我個頭，話：「傻妹，唔好成日講對唔住啦。快d出去陪我食粥，餵我食藥。

」

大雄食完藥，佢訓左之後，我就翻屋企先啦，廢事比屋企人發現我扮病逃課。

就係咁，日日我都差唔多同大雄翻學、上堂、補習、行街等等。

每一次我任性，佢都就哂我，佢... 真係好好嫁！

依家Selina班mk妹都因為大雄成日係我身邊，都唔再搞我。次次見親我都怒睥我，咁我又唔介意，反正大雄係我既哈哈。

丁當呢？佢當然同我仲係好兄弟。

但因為我地兩個都清楚明白太close反而會傷害我地四個，所以我地都默默咁保持一定距離。

撫心自問，我絕對絕對有後悔當初拒絕丁當，但一切都太遲。

就算我唱幾多萬次杰倫BB既「回到過去」，都唔會真係有時光機出現...

大約一個月後就到Picnic啦，目的地係長洲。本來都猶豫緊去唔去，始終搭船已經浪費好多時間，長洲又去過好多次。

我見大雄今年先第一次參加我地學校既picnic，就當陪下佢啦。

去到長洲，Miss Wong先話要分組，五人一組。好自然咁就我、大雄、丁當、Kelly同肥仔一組。

「能回避嗎？我怕了當那電燈膽！