[真人真事+少少甜] 一切,由MSN開始: 第四章、丁:戀無可戀
我個心不斷係度諗,究竟係邊個同藍藍傾左成晚msn呢?
![](http://forum5.hkgolden.com/faces/frown.gif)
但其實諗深一層,我真係好傻的嗎。
![](http://forum5.hkgolden.com/faces/cry.gif)
返到學校,我照舊搵肥仔俊吹水。見到個轉校生一早就坐在係度,果種不安全感又再湧上心頭。佢一見到藍藍,就懶熟係度講早晨。
「女班長,我有D功課唔係好識做,你可唔可以教下我?」我偷聽到個轉校生同藍藍講野。果陣嘅我心諗,個個都唔問偏偏要問藍藍?雖然講唔出點解,但係我好似有少少討厭左佢。
![](http://forum5.hkgolden.com/faces/donno.gif)
「好呀。你有咩唔識?」
睇住佢地兩個係度密密酙,我個心就好唔舒服。肥仔俊見到我心不在蔫,就問我:「做咩呀?見到自己條女俾人溝緊葡萄呀?」
「邊向左走向右走個係我條女呀?向左走向右走有咩!毒J一個就有...
![](http://forum5.hkgolden.com/faces/cry.gif)
![](http://forum5.hkgolden.com/faces/cry.gif)
![](http://forum5.hkgolden.com/faces/cry.gif)
「大家咁熟怕咩姐,係咪認左佢囉。」
理性上,我知道我根本冇理由要妒忌。但係感性上,我知道我其實一直都鍾意藍藍,只不過我從來冇正視過呢個現實。或者我一直都習慣左藍藍一直都係我身邊,所以從來都冇諗過會失去佢。你同左佢一齊咁多年,咁都唔表白?Hi,你估我想嫁咩,毒向左走向右走邊向左走向右走度有勇氣表白丫。身為一個毒向左走向右走,我知道與其表白收好人卡之後連朋友都冇得做,倒不如保留住依家呢段彌足珍貴嘅友情,一直陪係佢嘅身邊,因為當兩個人親到無可親密後,或者友情萬歲先至係最好嘅結局。
「女班長,我岩岩到呢間學校唔係好熟啲地方點行,不如你一陣帶我去行一轉丫?」
「好…好呀。」
「你條女就黎俾人搶走喇喎,你真係唔做啲野?」肥仔俊都偷聽到佢地嘅對話。
我都想做啲野。不過,除左睇住佢地兩個慢慢熟起黎之外,我仲可以做啲咩?
我個腦突然間閃過一個念頭,唔通同藍藍傾左成晚果個就係郭雄仁?佢應該都唔知道藍藍嘅msn嫁,係我諗多左姐。我唔敢就諗落去,亦希望呢個唔係事實。因為,講到尾,我都接受唔到藍藍會遠離我,一樣我從來都冇諗過會發生嘅。