用一場穿越籃網的夢想，擁抱妳: 終章(下) - 最終回
走出場館，外面下著令人哀愁的大暴雨。
我下半身幾乎被狂風吹來的雨水打得濕透。我勉強地拿出電話，忽視了因為設定了靜音而沒有接聽的幾個未接來電，只是不停地撥打著同一個電話號碼。
朋友們，讓我把眼前這件事情做到了，再一一向你們報喜吧。
對我來說，這是我拿在手上的這個獎盃的一切意義啊。
「嘟嘟──」不知道第幾次的撥號，終於接通。
「喂？」
「喂？Judy？」
「喂？聰仔？你去左邊呀？頒完獎急急腳走左去既？」
「頂，終於打得通你電話喇──我想即刻去搵Gaby呀，我驚過左探病時間，所以咪自己走左出黎先。」我狼狽地用腋下夾著巨大的冠軍獎盃，左手撐著傘，側著頭用左肩夾著電話。「佢係邊間醫院？我差唔多到車站附近喇。」
「佢係瑪麗呀，。之前咪講過未得住囉，好彩佢地有尿袋借比我叉電姐，如果唔係，你自己去撞哂咁多間醫院呀？」她笑著說。「不過而家有個好消息要話你知，我仲諗住一齊食野再慢慢同你講添。」
「咩好消息？」
「隻藥好有效呀，啲癌細胞消失得好快──」
「咩話？！──」
我欣喜若狂。
現在的我，才算是真正的把我的世界，嬴了回來。
「我而家即刻飛的去！──」
前面一輛載客燈亮起的的士，在雨中疾衝而來。
「──唔講住喇有的士！Bye ──」
「等陣呀！……」
我直接就掛了線，忍住痛楚伸出右手把的士截住。有什麼事情，比拿著冠軍獎盃走進病房，看見健健康康的她來得更重要呢？
我把電話塞進書包裡面，與大一堆亂塞的衣服混在一起。
的士在大暴雨中幾乎看不見前路，經驗老到的司機還是開得很快。
「又會咁撚大雨都有既──」他中氣十足地說。
雨沒有要停下的跡像，反而越下越大，使得我心裡面有種不自在的感覺。
到了之後，我快速地下了車，跑進醫院，找到了腦外科病房的樓層。
我急步搜索著每一間病房，直至看見一間門外貼上一張畫像的病房，便停下腳步。這張畫得極像Judy的鉛筆肖像畫，右下方有個小小的Judy的簽名。
我扭開門把，走進病房裡面。
她戴著那頂灰色的冷帽，蓋上厚厚的綿被，側著身，好像睡著了的樣子。
我把獎盃放在桌上，被房間的佈置深深吸引著。
到處都掛上一串又一串的細繩，上面夾著各式各樣花邊的相紙。
我放輕腳步走著，逐張察看。
上面除了少數和Judy和其他人拍的照片外，全都是我們的合照。
幾乎全都是在烏溪沙那天拍的合照。
有一張照片特別吸引我的目光。因為在那張照片裡面，我們的表情都十分逗趣──我微微的張開嘴唇，眼神不知道飄往那裡去，而她的雙眼瞪得好大，看像鏡頭，像看見什麼驚嚇的東西那般奮力張大她那小小的嘴。
是我不小心按下拍照鍵的那張照片。
這張照片，吊掛著在最近她的床頭位置。這個位置，大概她坐起來，照片就會在她面前。
她就是這樣天天看著我們的合照嗎？
──真傻。
她的呼吸聲漸大，然後轉過身來，睜開眼。
看著我。
「你醒左拿？係咪我嘈醒你？」我興奮地說，然後轉身拿起桌上的獎盃。「你睇我帶左咩過黎比你！」
她目無表情地看著我，眉頭微微皺起，看起來甚至有點困惑。
「Gaby？你冇事呀嘛？」
「你──」
她終於開口說出第一句話。
「你係咪張相入面個個男仔？」
她把照片反轉過來。
「你係咪──我男朋友？」
照片後面，寫著「佢係你男朋友」。
我連忙翻看每一張我和她的合照的背面，全部都寫上了同一句說話。
「呢封信，比你。」
她遞出一張白色的紙。
「致我最愛的黃佑聰。
我知道你會帶住個冠軍盃黎搵我架。而家既你，一定係好有型咁拎住個盃，衝左入黎病房搵我。我點解知？因為你應承過我架囉！你試下應承左我既野做唔到，睇下我會唔會食左你！：＠：＠係咪好驚！係咪好驚！哼哼！
不過，對唔住呀黃佑聰。而家既我，已經咩都唔記得哂。
醫生話隻新藥有好強副作用……就算我好得返，可能我會永久失憶，但係我都要試呀，因為我要親眼見到你送個冠軍盃比我，即使我已經唔明白個盃對我黎講有咩意義……最衰都係你，冇叫我應承你一定要記得個獎盃！冇叫我應承你一定要記得你！ 最衰都係你呀！搞到我呢段時間好努力咁記 d我已經熟到不得了既野入腦！你10月10號生日！我地第一次kiss係4月28號！我地第一次拖手係學校出面條馬路！
我真係好努力咁嘗試記住你架，如果都係唔得，點算好？
我不知幾希望，你而家手上既呢封信，永永遠遠都冇機會比你睇到……
對唔住呀，我係咪好自私？
對唔住。
Gaby」
我把信放下，轉身走到桌子前面，翻找著背包。
從裡面拿出一塊已經碎掉的太陽餅，一張CD，一部CD機和一台隨身喇叭。
「你記唔記得，個陣你同我講過，五月天首新歌會叫做不想一個人。」
我打開那張五月天唱片的封套，從裡面拿出CD，放進CD機裡面，按下播放鍵。
「首歌改左名喇，叫做我不願讓妳一個人呀。」
你說呢 明知你不在 還是會問
空氣 卻不能代替你 出聲
習慣 像永不癒合的固執傷痕
一思念就撕裂靈魂
「你記唔記得，你成日問埋哂我啲假設性問題。」我看著雪白的棉被，「你問我，如果有一日你入左廠，我會唔會餵你食粥？──」
「我隨口答你，我會餵你食太陽餅──」
我把那塊碎掉的太陽餅放在左手掌心，伸出。
手和身體，開始不由自主地抖震。
「我連咁小……咁小既事都記得，點解你……點解你唔可以記得我？點解你唔可以記得……唔可以記得我同你經歷過既所有野──」
「──咁我而家企係到……仲有咩意義？……」
你走後 愛情的遺跡 像是空城
遺落你杯子手套和 笑聲
最後 你只帶走你 脆弱和單純
和我最放不下的人
也許未來 你會找到 懂你疼你 更好的人
下段旅程 你一定要 更幸福豐盛
我放下太陽餅，用手抹乾滿臉的淚水，轉身走向桌子，揹起背包。
正要伸手扭開門把──
「喀嚓」
「今日係二零一一年七月二十二號。我差啲比你係第二市場門口見到我呀！嚇死人喇！好彩我急急腳走左上車，你應該見我唔到掛？……」
一把熟悉的、跳脫的聲音。
「今日係二零一一年七月二十三號。我終於鼓起勇氣同你講左爸爸既事，你竟然完全冇嬲！……」
我轉身望去，她床頭桌上放著的那部錄音機，正在播放她的錄音。
「今日係二零一一年八月二十號。做電療同化療真係好辛苦呀！好想喊，好想攪住你喊。……」
「今日係二零一二年……二零一一年九月二號。我開始唔記得好多野。頭髮開始甩得好緊要，戴住冷帽都遮唔住喇，頂帽真係好熱。……」
「今日係二零一一年十一月。聽日要試個隻新藥喇。究竟試左之後，會唔會就見唔到呢個世界？我好驚，但我點都唔可以比你知。……」
躺在床上的她，在哭。
……
「今日係二零一一年十二月十四號。我已經唔記得哂所有野。我叫咩名、我點解會係到，我都唔記得。我剩係知道自己一直Keep住錄音，一定有原因。睇返我自己寫既野，好似話以前個男朋友會拎住個冠軍盃過黎搵自己。究竟佢幾時會黎呢──」
她伸手關掉錄音機。
「試藥之前，我寫左個備忘錄比自己。」她說。「其中一樣野，係提醒自己唔記得哂所有野之後，點都要試下重新鐘意返你。」
她拿出一張紙巾，抹乾臉上的淚痕。
「但原來係唔得架。呢十幾日入面，我對住咁多咁多相，真係一啲記憶、一啲感覺都冇。對唔住。或者，我地慢慢重頭認識過，好唔好？」
……
到了最後，我還是輸了。
輸給總愛嘲弄人的命運。
世界上最遙遠的距離，是我們站在彼此面前，卻忘了我們曾經喜歡對方。
我不願讓你一個人 一個人在人海浮沉
我不願你獨自走過 風雨的 時分
我不願讓你一個人 承受這世界的殘忍
我不願眼淚陪你到 永恆
一切我都記得。
還有那個沒能實現的，騎著摩托車，載著你到處去的承諾，就讓我們在夢裡面兌現吧。
放心吧，我絕對不會開得像考車牌一樣慢的。
──
一切一切，我都記得。
你從前那模樣，我也會用力地記住。
永遠永遠。
只求命運 帶你去一段全新的旅程
往幸福的天涯飛奔
別回頭就往前飛奔
請忘了我還 一個人
「你好呀，我叫黃佑聰，係你隔離班既同學。」
我努力擠出最後一個微笑，拉開門把，走出了病房。
(全文完)