一個人,追一個女神: 第七章 計劃
悲鳴曾經諗過放棄,因為佢唔係D橫刀奪愛既人,同埋佢覺得自己唔夠人爭。但係霜心點會比佢放棄吖,霜心不斷嗲悲鳴,希望佢可以振作,但係悲鳴真係唔想追一個無咩機會既女仔。佢逼到霜心出必殺技:「去啦,佢可能會接受你呢!如果唔接受既話......我做你條女囉~」,悲鳴聽完都係無咩精神:「你一定會反口既!何況我對你無感覺,我鐘意既係我女神!」,其實悲鳴心諗「咪玩啦!你又有暴力傾向又爛口,同我女神差天共地!」。「一係咁,你追到佢就兩盒模型!幾貴都得!」霜心出到呢招,悲鳴只好屈服,雖然佢唔明點解霜心會知佢鐘意模型。但係都話哂有人幫手媾女喎。所以佢接受霜心既幫拖去媾女!
悲鳴決定先從佢熟悉既朋友圈入手,因為霜心同佢只係識左幾日,仲未完全熟絡,所以悲鳴要從佢最好既朋友入手......文!
文同悲鳴一斑,悲鳴諗住食飯既時侯行過去搵佢,但係悲鳴已經知道好多女神既野,佢都無咩好問啦!所以佢都係諗下先。突然霜心行過黎同悲鳴講:「幫就幫左你,你一陣唔好落去食野呀!同我坐定定,午餐我幫你買,知道未?」,講完霜心就落去食野。悲鳴真係坐喺課室等,但係佢唔知自己要等咩。果然等,真係無可奈可既!等等下仲訓埋......
「喂,阿嗚!醒下啦!」突然有人嘈醒佢。悲鳴開眼之後,發現自己比文,女神同霜心圍住。悲鳴不禁打個冷震,平時有睇開日文某類動作戲既悲鳴諗「幫我?唔通比個機會我玩4P?嘻嘻!」「我地聖誕假想去澳門玩呀!但係我地三個女仔驚唔夠安全,所以想搵個男仔一齊去!阿鳴你一唔一齊呀?~」開聲先既竟然係女神。悲鳴望住霜心,霜心對佢打左個眼色「嗱,機會呀,say no就打死你!」,霜心既眼神直振將訊息傳入悲鳴個腦度。「得......我可以去!」悲鳴為左唔口窒,所以望住霜心講。「咁好啦!我地搞行程,你幫我地搞交通啦~」女神友善咁講,悲鳴心諗「幫你搞交通有咩問題吖,如果你比我搞既話.....」之後同住三個女仔講:「包喺我身上,我一定會計劃得好掂!」