愛情・從來只適合旁觀: 外傳 顧思乙與嘉宜的往事（一）

話說呢件事發生係我地仲係初中既時候.....
「顧思乙，你今個星期六有咩做呀？」小息既時候嘉宜問我
「冇咩呀，係屋企睇卡通囉」
「我想睇生化危機呀，阿xxx同yyy（兩個同班同學）都會去呀，你去唔去呀？」
「哦，好呀，反正得閒」
其實佢又唔係無啦啦約我既，只不過我個排同xxx yyy同埋嘉宜唔知點解變到好friend，個排我地4個基本上放學同放假都會一齊玩
時光飛逝 歲月如梭 轉眼間就到左星期六，不過其實我地學校係星期六朝早都要番學，
唔係上咩興趣班，係真係好似平時禁上足5堂我就好似平時禁玩手機玩足5堂，當我見到手機既電量淨低15%的時候，我就知道 到放學既時候了
「顧思乙，今晚見啦，記得唔好遲到呀，唔係見唔到開場唯你事問呀」
「係啦，我有幾可會遲到丫」




佢冷笑左一聲，之後就黎個華麗轉身，輕輕的步出班房，不帶走一片雲彩
禁我就梗係唔輸洩啦，我都黎番個太空漫步，漫漫行番屋企食完中午飯之後我就一路睇卡通，到左禁上下時間我就想打比佢地問下佢地準備幾點出門口
點知人算不如天算，係我擺起手機既時候就見到兩個信息
xxx:「我特然間有緊要野做黎唔到啦 sorry呀」
yyy:「我要幫阿媽做啲野，我黎唔到啦 sorry」
今次仆街啦，禁即係得番我同嘉宜去睇？我即刻打比嘉宜
「喂，佢地有冇同你講？」
「講左啦」
「禁點？我地仲睇唔睇好」
「睇囉，費事shy左張飛嘛」




「禁好啦，陣間見啦」
話說套戲8點半開始，我8點3就到左，等左2分鐘 嘉宜就出現了「
你要唔要食爆谷呀？」我問佢
「哦 好呀」
買完爆谷都未開場，我地就一路食一路等，等等先，點解個個人禁熟口面既？佢仲要望實我既？佢仲同我打招呼喎！
「hi,阿乙 禁啱既？黎睇戲呀？」冇錯，我係撞到我表哥同佢老婆......今鋪真係水洗都唔清，孤男寡女黎睇戲，就算你地真係冇野，其他人見到都只會覺得你地係情侶....
「唔..唔好誤會」仆街 我仲要講到窒下窒下禁，今次真係仆街啦
「冇呀，冇誤會呀，我地啱啱睇完戲呀，而家走嫁啦，你地玩得開心啲啦」表哥笑笑口禁講，我知佢而家內心一定係笑9緊我
「哦，好啦 byebye」我唯有用僵硬既笑容回應，然後目送佢地離開
「顧思乙，佢地....邊個黎嫁？」嘉宜忍著笑問我




「我表哥同佢老婆囉.... 」
「禁佢地會唔會同你阿媽講嫁？」佢一路問一路係度喪笑，都唔知佢笑物9
「正路應該唔會既....」
「天呀，點解會發生啲禁既事嫁，我唔想比人誤會我同你拍緊拖呀」佢仲係一路講一路係度喪笑，個刻我真係想將佢個頭塞落筒爆谷度
就係禁 我地睇完戲之後去左食糖水 然後送左佢番屋企，然後，就沒有然後了 
其實個晚既細節 我大部分都唔記得了，我甚至唔記得我地睇個套係咩戲，所以生化危機都係我作出黎，因為我真係諗極都諗唔起究竟睇左啲咩
我只係知道 個次 係我同佢第一次單獨睇戲 亦都係最後一次
後來佢有左男朋友 到而家仲係一齊緊 係拍拖之後我地都出過幾次街，不過唔係單獨 而係double dating
因為唔知點解我之後個女朋友同嘉宜變到好friend，所以就一齊出過幾次街，不過其實我個人係好唔中意double dating，原因我自己都唔清楚，但係就係唔中意
嘉宜大一去左葡國exchange一年，而家差唔多番澳門了
不過大家都已經好耐冇聯絡過
睇著佢由以前禁鐘意玩，變到而家禁專一 ，其實都幾櫈佢開心既，作為朋友，希望佢同男朋友真係可收成正果啦
岑嘉宜 你幾來好嗎？ 

ps.下一篇應該都會出同嘉宜既另一段往事，件事發生係我分左手之後冇幾耐