《情困之時，我遇上了自稱情性的情聖》: [Case 11－觀音與兵] PART 06
企喺Nikki屋企樓下...等下等...
等下等下又諗下諗下…
諗梗D乜？
諗梗你諗梗既野囉～
係丫～就係諗梗嗰晚喺Nikki間閨房裏面～張床上面發生左D乜野事丫～
講返起上黎...都已經過左一個星期...
回想起嗰一個晚上，坐喺Nikki張床上緊張到鳩都震埋之時...
“咔”一聲響...
浴室既門都打開左...
我偷偷望過去浴室嗰邊...
我見到...Nikki既身影...
Nikki赤住對腳...上面就只有一條白色既大毛巾...髮絲仲滴住水咁...行出黎...行過黎...
Nikki面上帶住絲絲淫意咁...微笑...望住我...行梗過黎...
越行越近...越近我對腳就越震...
Nikki呢個Mode，完完全全就係叫男人砌佢嗰隻！
Nikki行到埋黎我身邊...坐到喺我身邊...
我望住Nikki用個意淫淫既樣望住我...
“古碌”我忍唔住吞左一大淡口水...
Nikki靠一靠近：「幫我...吹...乾D頭髮...丫～」
吹...吹乾D頭…頭髮？
Nikki想我幫佢吹乾D頭髮？
『哦哦哦哦哦...好好好好好丫...』我左望望...右望望...搵下把風筒...
我望多兩望，就望到把風筒放左喺張梳妝檯上...
我拎一拎起，開一開...
“颼”個風筒仔唔係好猛～又唔會好熱～
我就好用心咁幫Nikki吹頭～
我跪喺Nikki後面，摸下摸下佢把濕濕地既秀髮...掃兩掃...又撥兩撥...
我都唔係好敢太大力...怕會整痛Nikki...
而我對眼...又好不自覺咁...望左落去...落去Nikki個...胸道...
一條白色既毛巾...包住Nikki個身...包住Nikki對豐乳...包到條事業線都出晒黎...
Nikki對波真係好大...咁大對波，一條毛巾又點包得晒...
我居高臨下咁由上而下望落Nikki對波...真係夾到條事業線可以完完全全夾住我條巨棒！
點解Nikki人仔細細但對波可以大到咁架呢？
究竟食乜奶粉大架？
我諗呢個問題，已經有好多男人問過...
尤其係Nikki D兵...
平時就咁睇Nikki D J圖，只係著住校服，對波都可以凸晒出黎！
係男人見到都為之扯旗！
無錯！我而家已經扯晒旗！
可以喺一個咁好既角度，睇到用條毛巾夾到出晒黎既事業線...仲有雪白既北半球...我點可以唔扯旗呀？！
都未算！
我再望落D...仲可以望到Nikki翹住對腳...
雪白幼嫩既美腿丫...條毛巾仲要有D短...短到只係岩岩好可以蓋住...蓋住Nikki既陰部...
真係只係岩岩好…
再短多少少都睇到Nikki D陰毛...
實在太扯旗喇...
Nikki本身就係淫底...
而家仲要以戰鬥Mode喺我面前...
真係淫上加淫！
淫上加淫？
我點可以咁樣話Nikki架？！
我點可以咁樣侮辱Nikki架？！
人撚渣！
之但係...我而家真係好撚扯旗！
扯到條褲都凸起埋...
而且仲扯到有D痛痛地...
真係好想而家就拎條巨棒出黎JJ佢！
當我一諗到想喺Nikki背後，拎條巨棒出黎偷偷地J佢一J之時...
Nikki挨一挨後...
Nikki個背脊就壓左一壓落我條巨棒上！
我立即驚到向後退一退...
仆街喇呢次！俾Nikki發現我背住佢扯旗添！
仆街喇...仆街喇...Nikki會唔會覺得我好變態？
會唔會覺得我無啦啦喺佢背後扯旗係勁變態？
會唔會驚我會忍唔住，就喺而家女女女左佢架？
唔係咁架…唔係咁架…我唔係想女女女Nikki架！！！
唔好諗喇...唔好諗喇...都係快快手手幫Nikki吹乾個頭先！
我好專心咁幫Nikki吹頭...
好快就吹乾晒個頭...
『搞…搞掂...』我放一放返好把風筒...
「唔該晒你丫～你真係好體貼呢～」Nikki嗲聲嗲氣咁，摸一摸自己把秀髮...
『客氣喇...客氣喇...』我...我又邊算得上體貼呢...
「丫！我想著返件衫先～你擰轉身～擰轉身～唔准偷睇架～」Nikki將我個人擰一擰轉...
我就面對住牆…
Nikki佢...著返件衫先？
就喺呢道...喺我都身處既房間裏面？！
話就話我已經面壁思過姐...
之但係...只要我偷偷地擰一擰個頭過去...
“咔”係開櫃門既聲音...
Nikki喺衣櫃裏面拎衫？！
我好留心咁聽住背後...聽住Nikki有乜動靜...
我聽到...聽到好似放毛巾既聲音...
放毛巾既聲音？唔通Nikki已經...
如果我而家呢個時候...擰一擰個頭...就可以睇到...睇到全裸既Nikki...
全裸既Nikki...係全裸既Nikki...
正當我快要忍唔住，擰個頭向後之時...
唔撚得架！！！
我唔可以咁架！！！
Nikki咁信任我...俾我陪住佢換衫...我又點可以咁仆街...走去偷睇Nikki呢？！
我係唔可以辜負左Nikki對我既信任架！
我揸緊拳頭！緊閉雙眼！一直等...一直忍！
「搞掂喇～」Nikki拍一拍我膊頭...
『哦哦...搞掂喇...』我震下震下咁轉一轉身...
我望一望Nikki...望一望佢全身...
Nikki著上左一條粉紅色...吊帶...有Lace既...睡衣...
仲要係嗰D呢...好似好貴嗰D呢...專勾起男人性慾嗰D呢...嗰D情趣睡衣...
你都唔好講笑...Nikki對波咁大...真係可以托得起成件睡衣...
而且件睡衣都好短下...裙邊都短到上晒大脾...
Nikki真係好迷人...又有少少淫...
之不過...Nikki都著晒睡衣咯...我諗...
『咁...咁我都係唔阻你休息喇～我走先喇～』我都係唔好阻娘娘就寢喇...
正當我要行出Nikki既閨房之時...
「唔好走！」Nikki捉一捉住我隻手...
『下？』唔...唔好走？
「嗯...唔好走...留...留低...陪我瞓...」Nikki情深深咁望住我...
陪...陪Nikki...瞓？！
『陪...陪你...瞓？』我俾Nikki嚇左一嚇...嚇到唔係好Load得到佢既意思...
「嗯...」Nikki繼續情深深咁望住我...
『之...之但係...』我都未將我想講既說話講完...
「我怕...我怕黑架...我一個人瞓...會驚到瞓唔著架...」Nikki就攬一攬住我...
Nikki攬實左我...Nikki對豐乳...都壓晒埋黎...
『咁...你有屋企人架嘛…等到你屋企人返黎...咪唔一個人囉～』呢句說話...其實我係想探一探口風...
陪瞓喎...
等陣喺“啪啪啪啪啪啪啪啪啪啪啪啪啪啪”聲之中聽到“咔咔”既開門聲，你叫我停唔停好？
所以都係問清楚好D～
「我父母去左公幹...今晚全晚都唔會有人架喇...」Nikki嗲聲嗲氣咁...仲要帶住淫淫地咁...
公幹？全晚都唔會有人？咁我地係唔係可以幹足全晚丫？
「我一個人...瞓瞓下又唔知會唔會突然跳...無電...我都唔知點算...真係好驚驚架...」Nikki再攬得我實D...成對豐乳就喺我胸口上搓下搓下咁...
真係搓到我個心都軟埋...
『好好好...咁我今晚就陪你瞓～今晚陪住你瞓～唔駛驚～唔駛驚～』我攬實Nikki，摸一摸佢把秀髮～
之不過...點解我會覺得Nikki句野好似怪怪地咁架呢？
怪唔怪都好啦～我都決定左今晚陪住Nikki瞓～
陪住Nikki瞓...
Nikki著到咁性感...
仲要屋企無人…
孤男寡女瞓埋同一張床...
成晚流流長...
Nikki係唔係即係已經性暗示左我可以同佢“啪啪啪啪啪啪啪啪啪啪啪啪啪啪”足全晚丫？
喺我仲未諗到個答案出黎之前，Nikki就行左去熄一熄燈...
成間房都黑晒...
我只係隱約見到Nikki既身影...
Nikki靠一靠近...推一推住我膊頭...推一推住我胸口...將我推倒床上...
我瞓左喺Nikki張單人床上，望一望住Nikki既身影...
Nikki騎一騎上我身上...騎一騎喺我條巨棒上...瞓一瞓喺我胸口上...
而我條巨棒就頂一頂住Nikki個肚仔...
頂下頂…篤下篤下咁…
「攬住我...」Nikki趴喺我胸口輕聲咁講...
『哦哦...』我就手震震咁攬一攬住Nikki...
「你既心跳...跳得好快...」Nikki聽住我既心跳...
『係…係丫…我既心跳都比一般人跳得快...』再加上我而家真係極級緊張...
「聽住你既心跳瞓...會好好瞓...」Nikki喺我身上扭一扭...嗲一嗲咁...
聽住我既心跳會好好瞓？
跳得咁快都會好瞓？
我又真係唔係好明...
之但係Nikki又真係好似瞓著左咁...
我溫柔咁摸一摸Nikki把秀髮...又輕輕力咁掃一掃佢背脊...
Nikki都好似無乜反應咁...
咁快就瞓著左？
唔係丫嘛？
乜真係咁好瞓架咩？
瞓左仲有無得“啪啪啪啪啪啪啪啪啪啪啪啪啪啪”丫？
啪乜鬼野丫啪...Nikki都無講過話想同我啪啪啪...
係我諗多左姐...
一齊瞓又唔一定有得啪既...
Nikki都只不過係怕黑...怕一個人...想我陪住佢瞓咋嘛…
我就諗到Nikki好似對我性暗示咁...
我真係一條仆街喇架！咁諗我既娘娘！
屌！我都係唔好諗咁多！好好咁保護我既娘娘！等娘娘可以好安心咁瞓一覺啦！
我就認認真真又正正經經咁攬實Nikki黎瞓～
一瞓就瞓左一整晚～
一覺瞓到大天光～
期間我都無多手多腳去抽Nikki水～（只係Nikki瞓醒嗰下感覺到我扯晒旗咁...笑我想女女女佢...）
只有Nikki瞓到流晒口水落我胸口道～
我仲俾Nikki瞓到我半邊身癱瘓添～
不過都值得既～
Nikki喺我既保護下瞓得咁冧咁舒服咁安心，我都好滿足呢～
而自從嗰一晚之後，Nikki都經常搵我～
朝早起身又會Send個Voice Message俾我：「我岩岩醒左喇...嗚丫～～～」
聽到Nikki打喊露既聲音，我個心都甜埋～
返學既時候，又會影張校服Look俾我～仲會問我：「好唔好J丫～」
搞到我每朝都J完Nikki既校服Look先落床～
上堂又會偷偷影自己既豐乳或者美腿俾我睇～
好似要我J完再J，J晒俾佢咁～
而Lunch既時候，又會影下D食野相俾我睇～
放學又會同我講：「我就黎攰死喇～你而家得唔得閒出黎陪我食下糖水丫～」
當然，我就會第一時間仆到出去陪Nikki啦～
而呢段期間，我地都真係經常出街～
只要一放假，Nikki都會主動搵我出去～
就好似今日咁～
今日放假，Nikki話想我陪佢出MK行下喎～
又可以同Nikki出街～
同Nikki之間既關係...真係Close左好多～～～
Close到好似...好似情侶咁～
好似情侶咁...可以同到Nikki做情侶...你話幾好呢～
就喺我諗梗如果可以名正言順咁，做到Nikki既男朋友之時...
「喂～對唔住丫～要你等我咁耐～」Nikki拍一拍我膊頭。
『唔緊要唔緊要～都唔係等左好耐姐～』我望住Nikki個笑淫淫既樣...再打量一下佢今日既衣著...
Nikki今日上身著住件一字膊既白色薄質棉布上衣...下身著住條韓國寬鬆修身百搭黑色格子短裙...再著上一對米色布鞋仔...
十足十韓國妹咁...又靚又可愛...
「等左成個鐘都話唔係等左好耐～你對我真係好架姐～」Nikki嗲一嗲我...
『等你既話，一世都唔會耐～』如果可以俾我等得到...
「口甜舌滑丫你～」Nikki翹一翹住我～
『真心話黎架！』我好認真咁望住Nikki！
「係喇係喇～行啦行啦～真心話～」Nikki就翹住我行～
又可以同Nikki拍拖～真係開心心～
拍拖？我又會唔會諗得...Over左呢？
俾Nikki翹住黎行，好快就黎到巴士站～
可能係因為假日既關係，又俾我見到上次嗰三條MK妹～
而嗰三條MK妹又好似認得我咁，睥左我幾眼，又睥左Nikki幾眼～
三條MK妹加埋九隻眼望起上黎，就好似同我講梗：「挑～咪又係俾錢請返黎既“出租女友”～」
我本來就好想行埋去三條MK妹面前，同佢地講：『Nikki先無你地咁Cheap呀！』
之但係諗諗下...都係唔好同D𡃁妹一般見識～
而我睇Nikki又好似唔多在意咁，我就繼續同Nikki一齊等巴士～
唔駛等好耐...
「有車喇～」Nikki好開心咁搖下搖下我隻手臂～
『嗯嗯～』我就護送住Nikki上巴士～
我跟住Nikki身後，跟住佢行上樓梯～
Nikki條韓國寬鬆修身百搭黑色格子短裙擺下擺下...飄下飄下咁...
我抬頭望一望...都好容易就望到...望到Nikki條白色三角底褲...
女仔著呢D裙，真係好容易走光...
不過好彩，而家有我掩護住Nikki～唔駛蝕底俾其他男仔～
上到上層，Nikki又係揀左最後既位黎坐～
呢個星期黎，同親Nikki出去出面，坐親巴士佢都會揀呢個位黎坐～
或者係習慣左掛～我都開始習慣了～
一坐低之後，Nikki就翹一翹住我，喺我耳邊細細聲講：「乜都俾你睇晒啦～鹹濕仔～」
我一聽到Nikki講得咁淫，我就立刻揮晒手咁講：『無丫無丫！我無鹹濕到架！』
Nikki就一手撳落我條硬硬地既JJ道：「仲話無？」
『唔係咁架…唔係咁架…』見到裙下春光...硬少少都好正常姐...
「鹹濕仔～」Nikki就Keep住放隻手喺我條半硬微軟既JJ道...
Nikki隻手並無太大動作...無幫我摸下...掃下...Chok下...
只係安安份份咁放喺我條半硬微軟既JJ上...
咁樣俾Nikki隻小手撳住自己條J...搞到我真係好想郁下下身...用條J磨下Nikki隻手仔...
不過我又唔敢...我又怕我一郁，Nikki會察覺到我想借佢黎洩慾...覺得我好變態...
我就只好乖乖地，坐定定～同Nikki傾下計咁～望下風景咁～坐巴士出MK啦～
帶住愉快既心情，好快就同Nikki黎到MK～
黎到MK有乜做？
真係無乜架～
都係行下街～食下野～買下野～使下錢咁啦～
好普通～好平常～
之不過俾Nikki翹住黎行既話，就要預左俾街上既狗公仇視...
行下街又俾D MK仔用上“屌你老母我好撚葡萄牙”既目光睥住...
去法國餐廳食法國餐又要俾D鹹濕西裝友𥄫Nikki對腳...
同Nikki入去西木買個銀包姐，都要俾人地條仔視姦Nikki...
其實都唔係今日既事...
每次同親Nikki出街，都總係俾街上既狗公望住...
一隻二隻D眼神真係好撚難頂...
好似前世未見過靚女咁...
又好似怨婦咁“靚女點解無我份”...
而家D港男都唔知係乜野心態...總之就係好撚變態！
個個都係心理唔正常咁！
真係痴撚線！
不過Nikki一直都好似唔多理會咁～唔多在意咁～
仍然好嗲咁翹實我黎行～好開心咁同我撐檯腳～好幸福咁碌我張卡～
見Nikki咁享受同我一齊既快樂時光，我都唔理外面既世界咁多，繼續沈醉喺同Nikki既二人世界之中～
同Nikki行云全個MK～又買齊晒想買既野～仲食埋個酒店Buffet之後，我就送到Nikki返黎屋企樓下～
「多謝晒你丫～我今日玩得好滿足丫～」Nikki企喺個大門前舉起D戰利品，Fing下Fing下～
『滿足就好喇～』見到Nikki兩隻手仔都係一大袋～二大袋咁～真係好可愛～
「咁...我返上去先喇～」Nikki淫淫一笑…
『嗯嗯～返上去早D沖涼～早D休息喇～』都夜喇...係時候要走架喇...
「嗯～咁...電聯啦～」Nikki向我揮揮手～
『嗯～電聯～』我又向Nikki揮揮手～
「拜拜～」
『拜拜～』
我望住Nikki入大門...望住Nikki入埋𨋢...望住Nikki消失喺我眼前...
可以同到Nikki一齊足足一整日，真係好幸福～好滿足呢～
我就帶住呢份又幸福～又滿足既心情，喺暗黃色既街燈照射下行返屋企～
「哥～你返黎喇？」我一入到門口，就見到珮琳坐喺張梳化上翹住對腳，攬住個咕𠱸睇梗電視...
『係丫～仲未瞓丫？』我除一除對鞋，就行到去梳化嗰邊坐一坐～
「未丫～我頭先唔小心拆左你封信丫...」珮琳指一指住茶几上封信。
『哦...』我拎一拎起黎睇...係信用卡既月結單...
又到找數既日子喇...
唉...
「你呢排買咩碌左成五萬幾蚊卡數咁多丫？」珮琳望住部電視咁問我。
『無～無乜丫…』都唔係好多姐...
「又唔見你有買D乜返黎喎...」珮琳都係望住部電視咁同我講。
『出街D使費黎姐...』都係同Nikki出街既使費姐...
「同嗰條𡃁妹出街D使費丫？」珮琳望一望住我。
『嗯...同Nikki出街D使費...』唔好𡃁妹前...𡃁妹後咁好唔好？
「你唔好再俾條𡃁妹撳啦！」珮琳D語氣有D重...
『邊係撳姐？』講到咁難聽！
「仲話唔係撳呀？！」珮琳坐一坐直個人，對住我，「你同佢係咩關係姐？一個月就使左你成五萬幾蚊！你而家搵得好多咩？」
我一聽到珮琳話我搵得唔多，立即就扯一扯火：『係呀！我係搵得唔多呀！但五萬幾蚊我仲俾得起！大不了咪還Min Pay！』
珮琳再講得大聲D：「還Min Pay？！你知唔知利息好貴架？！你今個月就話還得到姐！下個月呢？你有固定收入咩？」
我一聽到珮琳話我無固定收入，就扯上加扯：『我係無固定收入呀！你又有呀？你以為靠賣你D爛鬼書夠養活自己呀？你咪又係靠老豆老母俾錢你！』
珮琳一手Dom左個咕𠱸落地：「阿爸阿媽D錢係俾我地兩個租呢間屋架！D錢你都有份架！」
『係呀係呀！唔係你既話我連屋都無得住呀嘛！我知架喇我明架喇唔駛你提醒我呀！總之我既財政我自己會處理！唔駛你理！OK？』我超大聲咁喝珮琳！
「好呀好呀好呀好呀好呀好呀好呀！你俾條𡃁妹點玩我都唔會再理你咁多架喇！你自己好自為之啦！」珮琳起一起身，嬲爆爆咁踢一踢喺地上既咕𠱸後就行返入房...
“啪”一聲響...仲要勁大力咁閂門...
做咩姐而家？發乜鬼野小姐脾氣姐？
M到呀？同條仔炒大鑊呀？係都唔好搵我黎出氣呀！